‘କବୀର ସିଂ’ ଚଳଚ୍ଚିତ୍ରରେ କିଆରା ଆଡଭାନୀଙ୍କ ଦମ୍ଦାର୍ ଅଭିନୟ ଦେଖିବା ପରେ ରାତାରାତି ତାଙ୍କ ଲୋକପ୍ରିୟତା ଶୀର୍ଷରେ ପହଞ୍ଚିଯାଇଛି। ଏବେ ସେ ‘ଭୁଲ୍-ଭୁଲୈୟା-୨’ରେ ଅଭିନୟ କରୁଛନ୍ତି। ଭୂଷଣ କୁମାର ପ୍ରଯୋଜିତ ଏଇ ଚଳଚ୍ଚିତ୍ରର କେତୋଟି ଭାଗର ସୁଟିଂ ଆରମ୍ଭ ହୋଇଛି। ମୁଖ୍ୟ ଭୂମିକାରେ କାର୍ତ୍ତିକ ଆର୍ୟ୍ୟନ୍ ଓ କିଆରା କାମ କରୁଛନ୍ତି। ପ୍ରଥମେ ଏଇ ଚଳଚ୍ଚିତ୍ର ପାଇଁ କରୀନା କପୁରଙ୍କୁ ପ୍ରସ୍ତାବ ଦିଆଯାଇଥିଲା। ତାଙ୍କ ପାଖରେ କିନ୍ତୁ ସମୟ ନଥିବାରୁ ସେ ନିର୍ଦେଶକଙ୍କୁ କିଛି ମାସ ଅପେକ୍ଷା କରିବାକୁ ପ୍ରସ୍ତାବ ଦେଇଥିଲେ। କରୀନାଙ୍କ ପ୍ରସ୍ତାବକୁ ୟୁନିଟ୍ ଗ୍ରହଣ ନ କରି ବରଂ କିଆରାଙ୍କୁ ସୁଯୋଗ ଦେଇଛି। ଏବେ କିଆରା ‘ଲକ୍ଷ୍ମୀ ବମ୍’ ହରର୍ ଚଳଚ୍ଚିତ୍ରରେ ମଧ୍ୟ ଖିଲାଡି କୁମାର ଅକ୍ଷୟଙ୍କ ସହ କାମ କରୁଛନ୍ତି। ‘କବୀର ସିଂ’ ତାଙ୍କୁ ହିଟ୍ ତାଲିକାରେ ଭର୍ତ୍ତି ହେବାର ସୁଯୋଗ ଦେଇଛି ବୋଲି କହିଛନ୍ତି କିଆରା।
