ଇସଲାମାବାଦ : ପାକିସ୍ତାନ ସଂସଦରେ ଗୁରୁବାର ଏକ ଲଜ୍ଜାଜନକ ଘଟଣା ଦେଖିବାକୁ ମିଳିଛି । ପାକିସ୍ତାନ ସଂସଦଳ ମିଳିତ ଅଧିବେଶନ ଚାଲିଥବାବେଳେ ଶାସକ ଏବଂ ବିରୋଧୀ ଦଳର ସାଂସଦମାନେ ଧସ୍ତାଧସ୍ତି ଓ ମୁଥା ମରାମରି ହୋଇଛନ୍ତି । ଏହି ଘଟଣା ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି।
ସୂଚନା ଅନୁସାରେ ଗୁରୁବାର ସଂସଦର ମିଳିତ ଅଧିବେଶନରେ ରାଷ୍ଟ୍ରପତି ଆରିଫ ଆଲଭୀ ଅଭିଭାଷଣ ଦେଉଥିବାବେଳେ ବିରୋଧୀ ଦଳର ସାଂସଦମାନେ ଇମ୍ରାନ ଖାନଙ୍କ ବିରୋଧରେ ସ୍ଲୋଗାନ ଦେଇଥିଲେ। ଏହି ଅଧିବେଶନ ଇମ୍ରାନ ଖାନଙ୍କ ସରକାରର ବର୍ଷେ ପୂର୍ତ୍ତି ଅବସରରେ ଡକାଯାଇଥିଲା। ବିରୋଧୀ ଦଳର ସାଂସଦମାନେ ଇମ୍ରାନ ଖାନଙ୍କ ବିଦେଶ ନୀତି ଉପରେ ପ୍ରଶ୍ନ କରିଥିଲେ। ଆନ୍ତର୍ଜାତିକ ମଞ୍ଚରେ ଅସଫଳତା ପାଇଁ ଇମ୍ରାନ ସକରାରଙ୍କୁ ସମାଲୋଚନା କରିଥିଲେ। ଏହାକୁ ନେଇ ଇମ୍ରାନ ଖାନଙ୍କ ମନ୍ତ୍ରୀ ଏବଂ ସାଂଦମାନମାନେ ବିରୋଧୀ ଦଳର ସାଂସଦଙ୍କ ପାଖକୁ ଯାଇ ସେମାନଙ୍କୁ ପ୍ରତିରୋଧ କରିଥିଲେ। ଏଥିରୁ ଧସ୍ତାଧସ୍ତି ଓ ମୁଥା ମରାମରି ହୋଇଥିଲା। ସଂସଦରେ ସଂଘର୍ଷ ବେଳେ ମହିଳା ସାଂସଦଙ୍କୁ ମଧ୍ୟ ଦୁର୍ବ୍ୟବହାର କରାଯାଇଥିଲା। ବିରୋଧୀ ଦଳର ସାଂସଦମାନେ ଇମ୍ରାନ ଖାନଙ୍କ ବିରୋଧରେ ସ୍ଲୋଗାନ ଦେଇଥିଲେ। ଏହାଠାରୁ ବଡ଼ କଥା ଯେ ସାଂସଦଙ୍କ ମଧ୍ୟରେ ସଂଘର୍ଷ ବେଳେ ସେଠାରେ ପ୍ରଧାନମନ୍ତ୍ରୀ ଇମ୍ରାନ ଖାନ, ପାକିସ୍ତାନ ନୌସେନା ଏବଂ ବାୟୁସେନା ମୁଖ୍ୟ ତଥା ଜଏଣ୍ଟ ଚିଫ ଅଫ ଷ୍ଟାଫ କମିଟିର ଅଧ୍ୟକ୍ଷ ଉପସ୍ଥିତଥିଲେ। ଏହି ଲଜ୍ଜାଜନକ ଘଟଣା ଏବେ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି। ଏହାକୁ ନେଇ ପାକିସ୍ତାନ ଲୋକମାନେ ନେତାଙ୍କୁ ଖୁବ ସମାଲୋଚନା କରୁଛନ୍ତି।
