ସମାଜ ଡିଜିଟାଲ ଡେସ୍କ: ଦୀର୍ଘ ୬୦ବର୍ଷର ପ୍ରେମ ସମ୍ପର୍କ ସଫଳ ହୋଇଛି। ଆଫ୍ରିକୀୟ ରାଷ୍ଟ୍ର କେନିଆର ମୁକୁରୱିନି ସହରରେ ଜଣେ ୯୫ବର୍ଷୀୟ ବୃଦ୍ଧ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ତାଙ୍କ ପତ୍ନୀଙ୍କ ବୟସ ୯୦ବର୍ଷ ହେବ। ଇବ୍ରାହିମ ଏମବୋଗୋ ନାମକ ଏହି ବୃଦ୍ଧ ଗତ ରବିବାର ସ୍ଥାନୀୟ ଚର୍ଚ୍ଚରେ ବାନ୍ଧବୀ ତାବିଥା ୱାଙ୍ଗୁଇଙ୍କୁ ବିବାହ କରିଛନ୍ତି। ଗଣମାଧ୍ୟମକୁ ପ୍ରତିକ୍ରିୟା ଦେଇ ଇବ୍ରାହିମ କହିଛନ୍ତି ଯେ ୧୯୯୬୦ରେ ସେମାନେ ପରସ୍ପରକୁ ଭେଟିଥିଲେ। ସେହିଦିନଠାରୁ ସେମାନଙ୍କ ମଧ୍ୟରେ ପ୍ରେମ ସମ୍ପର୍କ ଗଢିଉଠିଥିଲା। ତେବେ ପରିଣତ ବୟସରେ ବିବାହ କରି ସେମାନେ ଅନ୍ୟମାନଙ୍କ ଲାଗି ଉଦାହରଣ ସୃଷ୍ଟି କରିବାକୁ ସେମାନେ ପାରମ୍ପରିକ ରୀତିରେ ବିବାହ କରିଥିବା ଇବ୍ରାହିମ୍ କହିଛନ୍ତି। ତାବିଥା କହିଛନ୍ତି ଯେ ସ୍ୱାମୀଙ୍କୁ ସମ୍ମାନ ଜଣାଇବା ପ୍ରତ୍ୟେକ ପତ୍ନୀଙ୍କ କର୍ତ୍ତବ୍ୟ। ଏହି ଧାରା ବଜାୟ ରହିଲେ ଦାମ୍ପତ୍ୟ ଜୀବନ ସୁଖମୟ ହେବ।
Comments are closed.