ସମାଜ ଡିଜିଟାଲ ଡେସ୍କ: ଉପନିର୍ବାଚନ ଭୋଟ ଗଣତି ବେଳେ ବୋମାମାଡ଼ ଯୋଗୁ ଜଣେ ୯ ବର୍ଷୀୟା ଶିଶୁକନ୍ୟାର ମୃତ୍ୟୁ ଘଟିଛି। ପଶ୍ଚିମବଙ୍ଗର ନଦିଆ ଜିଲାରେ ସୋମବାର ଏହି ଘଟଣା ଘଟିଛି।
ପୁଲିସ ସୂଚନା ଅନୁସାରେ, କାଲିଗଞ୍ଜ ବିଧାନସଭା ଉପନିର୍ବାଚନର ଭୋଟ ଗଣତି କାର୍ଯ୍ୟ ସୋମବାର ଚାଲିଥିଲା। କାଲିଗଞ୍ଜ ଥାନା ଅନ୍ତର୍ଗତ ବାରୋଚନ୍ଦଗରରେ ଏକ କେନ୍ଦ୍ରରେ ଭୋଟ ଗଣତି ସମୟରେ କିଛି ଦୁର୍ବୃତ୍ତ ବୋମାମାଡ଼ କରିଥିଲେ। ଘଟଣାସ୍ଥଳରେ ଉପସ୍ଥିତ ଜଣେ ୯ବର୍ଷୀୟା ଶିଶୁକନ୍ୟାର ମୃତ୍ୟୁ ଘଟିଥିଲା। ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି, ଏହି ଘଟଣାରେ ସେ ଅତ୍ୟନ୍ତ ମର୍ମାହତ। ପୁଲିସ ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବ।
