ଭୁବନେଶ୍ବର : ରାଜ୍ୟର ଚତୁର୍ଥ ତଥା ଚୂଡ଼ାନ୍ତ ପର୍ଯ୍ୟାୟ ମତଦାନ ଶନିବାର ସରିଛି। କେନ୍ଦ୍ରାପଡ଼ା, ଜଗତସିଂହପୁର, ଭଦ୍ରକ, ଯାଜପୁର, ବାଲେଶ୍ୱର ଏବଂ ମୟୂରଭଞ୍ଜ ଲୋକସଭା ଆସନ ସମେତ ଏହା ଅଧୀନରେ ଆସୁଥିବା ୪୨ ବିଧାନସଭା ଆସନ ପାଇଁ ମତଦାତା ଲମ୍ବା ଧାଡିରେ ଠିଆ ହୋଇ ମତାଧିକାର ସାବ୍ୟସ୍ତ କରିଛନ୍ତି। ଇଭିଏମରେ ୪୬୦ ପ୍ରାର୍ଥୀଙ୍କ ଭାଗ୍ୟ ବନ୍ଦ ହୋଇ ରହିଛି। ଆସନ୍ତା ୪ ତାରିଖରେ ଭୋଟ ଗଣତି କରାଯିବ। ରାତି ୧୧ଟା ସୁଦ୍ଧା ରାଜ୍ୟରେ ମୋଟ ମତଦାନ ହାର ୭୦.୪୭% ରେକର୍ଡ ହୋଇଛି। ସକାଳ ୯ ସୁଦ୍ଧା ପ୍ରାୟ ୭.୬୯ ପ୍ରତିଶତ ଭୋଟ ଗ୍ରହଣ ହୋଇଥିବାବେଳେ ସନ୍ଧ୍ୟା ୫ଟା ସୁଦ୍ଧା ୬୨.୪୬ପ୍ରତିଶତ ମତଦାନ ହୋଇଥିଲା। ରାତି ୧୧ଟା ସୁଦ୍ଧା ବାଲେଶ୍ବର ସଂସଦୀୟ କ୍ଷେତ୍ରରେ ୭୦.୪୧%, ଭଦ୍ରକ ୭୦.୩୪%, ଜଗତସିଂହପୁର ୭୩.୦୬%, ଯାଜପୁର ୬୭.୯୧, କେନ୍ଦ୍ରାପଡ଼ା ୬୮.୬୪% ଓ ମୟୂରଭଞ୍ଜରେ ୭୨.୪୮% ମତଦାନ ହୋଇଛି। ବିଧାନସଭା ଆସନ କ୍ଷେତ୍ରରେ ସର୍ବାଧିକ ମତଦାନ ବାଙ୍ଗିରିପୋଷୀରେ ୭୭.୫୨% ହୋଇଥିବାବେଳେ ସର୍ବନିମ୍ନ ଆଳି ଆସନରେ ୬୨.୩୮% ହୋଇଛି। ଅସହ୍ୟ ଗରମ ଓ ଗୁଳୁଗୁଳି ସତ୍ତ୍ୱେ ବିଭିନ୍ନ ବୁଥ୍ରେ ସକାଳୁ ଭୋଟରଙ୍କ ପ୍ରବଳ ଭିଡ଼ ଲାଗିଥିଲା। କାଁ ଭାଁ ନିର୍ବାଚନୀ ହିଂସାକୁ ଛାଡି ଦେଲେ ବାକି ସବୁ ବୁଥରେ ମତଦାନ ପ୍ରକ୍ରିୟା ସୁରୁଖୁରୁରେ ଶେଷ ହୋଇଛି।
Popular Categories
Previous article
Next article