କଟକ : ଚଳିତମାସ ୧୨ରୁ ୩୦ ପର୍ଯ୍ୟନ୍ତ ବାଙ୍ଗାଲୋରର ସାଇ ସେଣ୍ଟରରେ ଆୟୋଜନ ହେବ ଭାରତୀୟ ମହିଳା ଦଳର ପ୍ରସ୍ତୁତି ତଥା ପ୍ରଶିକ୍ଷଣ ଶିବିର। ଏହି ଶିବିର ପାଇଁ ହକି ଇଣ୍ଡିଆ ଏକ ୩୩ ଜଣିଆ ସମ୍ଭାବ୍ୟ ଦଳ ଘୋଷଣା କରିଛି। ଏହି ୩୩ ଜଣିଆ ତାଲିକାରେ ୬ ଜଣ ଓଡ଼ିଆ ଖେଳାଳି ସ୍ଥାନ ପାଇଛନ୍ତି। ଭାରତୀୟ ମହିଳା ହକି ଦଳର ମୁଖ୍ୟ ପ୍ରଶିକ୍ଷକ ସ୍ୟୋଏର୍ଡ ମାରିଏନେଙ୍କ ତତ୍ତ୍ୱାବଧାନରେ ଏହି ୩୩ ଜଣ ଖେଳାଳି ଅଭ୍ୟାସ କରିବେ। ସମ୍ଭାବ୍ୟ ଦଳରେ ଥିବା ୬ ଜଣ ଓଡ଼ିଆ ଖେଳାଳି ହେଲେ ଡିଫେଣ୍ଡର ଦୀପ୍ ଗ୍ରେସ୍ ଏକ୍କା, ସୁନିତା ଲାକ୍ରା ଓ ରଶ୍ମିତା ମିଞ୍ଜ୍; ମିଡ୍ଫିଲ୍ଡର ଲିଲିମା ମିଞ୍ଜ୍ ଓ ନମିତା ଟପ୍ପୋ ଏବଂ ଫରୱାର୍ଡ ଅନୁପା ବାର୍ଲା।
