କେଶଦୁରାପାଳ/ବାଲେଶ୍ବର : ମଙ୍ଗଳବାର ରାଜ୍ୟରେ ବଜ୍ରପାତ ନେଇଛି ୬ ଜୀବନ। ଆଜି କେନ୍ଦୁଝର ଜିଲାରୁ ବଜ୍ରପାତରେ ୪ ଜଣଙ୍କର ଜୀବନ ଯାଇଥିବା ବେଳେ ବାଲେଶ୍ବରରୁ ୨ ଜଣଙ୍କର ଜୀବନ ଯାଇଛି। ସୂଚନା ଅନୁସାରେ ବାଲେଶ୍ବର ଜିଲା ଜଳେଶ୍ବର ଏବଂ ବସ୍ତାରୁ ଜଣେ ଲେଖାଏଁ ବଜ୍ରପାତରେ ମୃତ୍ୟୁବରଣ କରିଥିବା ବେଳେ କେନ୍ଦୁଝର ଜିଲାର ଆନନ୍ଦପୁର ଅଞ୍ଚଳରୁ ୪ ଜଣ ପ୍ରାଣ ହରାଇଛନ୍ତି।
କେନ୍ଦୁଝର ଜିଲାର ନନ୍ଦିପଦା ଥାନା ଅନ୍ତର୍ଗତ ବାହାରୀପୁର ଗ୍ରାମର ବଲ୍ଲଭ ବେହେରା ରାମ୍ପସ ଗ୍ରାମକୁ ବିଲରେ କାମ କରିବା ପାଇଁ ଯାଇଥିବା ବେଳେ ଖୁବ୍ ଜୋରରେ ବର୍ଷା ହେବା ସହିତ ଘଡ ଘଡି ବିଜୁଳି ମାରିଥିଲା। ଫଳରେ ବଲ୍ଲଭ ବେହେରା ଗୁରୁତର ଭାବେ ଆହାତ ହୋଇଥିଲେ । ୧୦୮ ଯୋଗେ ତାଙ୍କୁ ଆନନ୍ଦପୁର ଡାକ୍ତରଖାନା କୁ ଆଣିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେହିପରି ନନ୍ଦିପଦା ଥାନା ଅନ୍ତର୍ଗତ ଇଞ୍ଚୋଳ ଗ୍ରାମର ଗଣେଷ ଜେନା ବିଲକୁ ଘାସ କଟିବାକୁ ଯାଇଥିବା ବେଳେ ଖୁବ୍ ଜୋରରେ ବର୍ଷା ହେବା ସହିତ ଘଡ ଘଡି ବିଜୁଳି ମାରିଥିଲା। ଫଳରେ ଗଣେଷ ସେଠାରେ ଟଳି ପଡିଥିଲା। ପରେ ତାଙ୍କୁ ୧୦୮ ଯୋଗେ ଆନନ୍ଦପୁର ଡାକ୍ତରଖାନା କୁ ଆଣିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେହିପରି ରାମଚନ୍ଦ୍ରପୁର ଥାନା ଅନ୍ତର୍ଗତ ଗଡ଼ବା ନ୍ଦୋଗଡା ଗ୍ରାମର ପୂର୍ଣ୍ଣଚନ୍ଦ୍ର ମୁଣ୍ଡା ବିଲକୁ ଘାସ କଟିବାକୁ ଯାଇଥିବା ବେଳେ ଖୁବ୍ ଜୋରରେ ସହିତ ଘଡ ଘଡି ବିଜୁଳି ମାରିଥିଲା। ଫଳରେ ପୂର୍ଣ୍ଣଚନ୍ଦ୍ର ମୁଣ୍ଡା ଗୁରୁତର ଆହତ ପାଇଥିଲେ ।ପୂର୍ଣ୍ଣଚନ୍ଦ୍ରକୁ ୧୦୮ ଯୋଜେ ଆନନ୍ଦପୁର ଡାକ୍ତରଖାନାକୁ ଆଣିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସମସ୍ତ ଙ୍କ ମୃତଦେହକୁ ବ୍ୟବଛେଦ ପରେ ପରିବାର କୁ ହସ୍ତାନ୍ତର କରିଥିବା ଜଣାପଡ଼ିଛି ।
Comments are closed.