ନୂଆ ବର୍ଷ ଆରମ୍ଭ ପୂର୍ବରୁ ଇପିଏଫ୍ ଉପଭୋକ୍ତାଙ୍କ ପାଇଁ ବଡ଼ ଉପହାର। ଅର୍ଥ ମନ୍ତ୍ରଣାଳୟ ପ୍ରୋଭିଡେଣ୍ଟ ପାଣ୍ଠି ଉପରେ ୮.୫% ସୁଧ ଦେବାକୁ ଘୋଷଣା କରିଛି ।ଅର୍ଥ ମନ୍ତ୍ରଣାଳୟର ଏହି ନିଷ୍ପତ୍ତି ସହିତ ଇପିଏଫଓରେ ପଞ୍ଜୀକୃତ ୬ କୋଟି ଆକାଉଣ୍ଟଧାରୀ ଉପକୃତ ହେବେ। କେନ୍ଦ୍ର ମନ୍ତ୍ରୀ ସାନ୍ତୋଶ ଗାଙ୍ଗୱାର ଗୁରୁବାର ଏ ସଂପର୍କରେ ଘୋଷଣା କରିଛନ୍ତି ।
ସରକାରଙ୍କ ଏହି ନିଷ୍ପତ୍ତି ପରେ ବର୍ତ୍ତମାନ ସୁଧ ଆକାଉଣ୍ଟଧାରୀଙ୍କ ଆକାଉଣ୍ଟରେ ଗୋଟିଏ ଥର ଜମା ହେବ। ପୂର୍ବରୁ ଇପିଏଫଓ ଦୁଇଟି କିସ୍ତିରେ ୮.୫% ସୁଧ ଜମା କରୁଥିଲା |
ଏକ ସମୟରେ ୮.୧୫% ପ୍ରତିଶତ ରାଶି, ତା’ପରେ ୦.୩୫ ପ୍ରତିଶତ ଅଂଶ ଦ୍ୱିତୀୟ ଥର ପ୍ରଦାନ କରାଯାଉଥିଲା । ମାତ୍ର ଏବେ ସିଧାସଳଖ ଏକ ସମୟରେ ୮.୫ % ସୁଧ ପ୍ରଦାନ କରାଯିବ ।
ଅର୍ଥ ମନ୍ତ୍ରଣାଳୟ ଏହି ପ୍ରସ୍ତାବ ଉପରେ ମୋହର ମାରିବା ପରେ ପ୍ରୋଭିଡେଣ୍ଟ୍ ପାଣ୍ଠି ସଂଗଠନ ୨୦୧୯-୨୦ ଆର୍ଥିକ ବର୍ଷ ପାଇଁ କର୍ମଚାରୀ ପ୍ରୋଭିଡେଣ୍ଟ ଫଣ୍ଡ ଆକାଉଣ୍ଟରେ ୮.୫% ପ୍ରତିଶତ ସୁଧ ଜମା କରିବେ | ଏହାପୂର୍ବରୁ ଇପିଏଫ୍ ଓ ୨୦୧୮-୧୯ ଆର୍ଥିକ ବର୍ଷରେ ୮.୬୫% ସୁଧ ପ୍ରଦାନ କରାଯାଉଥିଲା । ଏବେ ତାହା ୮.୫%କୁ ହ୍ରାସ କରାଯାଇଛି । ଏହି ସୁଧହାର ଗତ ୭ ବର୍ଷ ମଧ୍ୟରେ ସର୍ବନିମ୍ନ ବୋଲି କୁହାଯାଉଛି ।
