ପାଟନା : ଗୁରୁ ଗୋବିନ୍ଦ୍ ସିଂହଙ୍କର ଆଜି ୩୫୩ତମ ଜୟନ୍ତୀ । ବିହାରରେ ଧର୍ମୀୟ ଭାବନା ଓ ଶ୍ରଦ୍ଧାର ସହ ଗୁରୁବାର ପାଳନ କରାଯାଉଛି । ଏଥିଲାଗି ଉଦ୍ଦିଷ୍ଟ ମୁଖ୍ୟ ଉତ୍ସବ ଗୁରୁ ଗୋବିନ୍ଦ ସିଂହଙ୍କ ଜନ୍ମସ୍ଥାନ ପାଟନା ସାହିବର ତକ୍ହାଟସ୍ଥିତ ଶ୍ରୀ ହର୍ମନ୍ଦିର ସାହିବ ଗୁରୁଦ୍ୱାରରେ ଅନୁଷ୍ଠିତ ହେଉଛି। ସେଠାରେ ବିଭିନ୍ନ ସ୍ଥାନରୁ ହଜାର ହଜାର ଶ୍ରଦ୍ଧାଳୁ ପହଞ୍ଚିଛନ୍ତି । ଶ୍ରଦ୍ଧାଳୁମାନଙ୍କପାଇଁ ସ୍ୱତନ୍ତ୍ର
ଲଙ୍ଗର୍ର ବ୍ୟବସ୍ଥା କରାଯାଇଛି ।
ପାଟନା ସାହିବ୍ଠାରେ ୧୬୬୬ ମସିହାରେ ଜନ୍ମଗ୍ରହଣ କରିଥିବା ଗୁରୁ ଗୋବିନ୍ଦ ସିଂହ ହେଉଛନ୍ତି ଶିଖ୍ ଧର୍ମର ଦଶମ ଗୁରୁ । ମାତ୍ର ନଅ ବର୍ଷ ବୟସରେ ସେ ତାଙ୍କ ବାପା ଗୁରୁ ତେଗ୍ବାହାଦୁର ସିଂହଙ୍କ ସ୍ଥାନ ଅଧିକାର କରିଥିଲେ । ଗୁରୁ ଗୋବିନ୍ଦ୍ ସିଂହ ଜଣେ ଆଧ୍ୟାତ୍ମିକ ଦିଗ୍ଦ୍ରଷ୍ଟା, ଦାର୍ଶନିକ, କବି ଓ ଯୋଦ୍ଧା ଭାବରେ ନିଜକୁ ପ୍ରତିଷ୍ଠିତ କରାଇପାରିଥିଲେ । ଶିଖ୍ ଧର୍ମପାଇଁ ତାଙ୍କର ଅବଦାନ ତାଙ୍କୁ ଜଣେ ଅନନ୍ୟ ଗୁରୁ ଭାବରେ ମର୍ଯ୍ୟାଦା ଦେଇଛି ।
