ଆଠଗଡ: ରବିବାର ରାତିରେ ଆଠଗଡ ପୁଲିସ ପକ୍ଷରୁ ରାତ୍ରିକାଳୀନ ପାଟ୍ରୋଲିଂ ଚାଲିଥିବାବଳେ ଏକ କାର ସହ ୩୪୫ ଲିଟର ଚୋରା ଦେଶୀ ମଦ ଜବତ ହୋଇଛି। ପାଟ୍ରୋଲିଂ ସମୟରେ ଆଠଗଡ ସନ୍ନିକଟ କଇଥ ଛକ ନିକଟରେ ଏକ କାର ପୁଲିସ ଗାଡିକୁ ଦେଖି ହଡବଡେଇ ଦ୍ରୁତ ବେଗରେ ପଳାଇବାକୁ ଚେଷ୍ଟା କରିଥିଲା। ଫଳରେ ପୁଲିସ ଗାଡି ମଧ୍ୟ ବେଗ ବଢାଇ ପିଛା କରିଥିଲା। କନ୍ଦରପୁର ତାରିଣୀ ମନ୍ଦିର ଛକ ନିକଟରେ ଦ୍ରୁତ ଗତି ଯୋଗୁଁ ବୁଲାଣି ରାସ୍ତାରେ ଭାରସାମ୍ୟ ହରାଇ କାରଟି ଏକ ଗଛରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଥିଲା। କିନ୍ତୁ ଅନ୍ଧକାରର ସୁଯୋଗ ନେଇ ଘଟଣାସ୍ଥଳରୁ ଚାଳକ ଫେରାର ହୋଇଯାଇଥିଲା। କର୍ତ୍ତବ୍ୟରତ ଉପନିରୀକ୍ଷକ ଜନ୍ମିତା ସାସମଲ୍ ଓ ସହକାରୀ ଉପନିରୀକ୍ଷକ ସତ୍ୟପ୍ରିୟ ବରାଳଙ୍କ ସମେତ ଅନ୍ୟ ପୁଲିସ କର୍ମଚାରୀ ଉକ୍ତ କାର ସହିତ ସେଥିରେ ଏକାଧିକ ଜାରକିନ ଓ ରବର ବ୍ଲାଡରରେ ଚାଲାଣ ହେଉଥିବା ୩୪୫ ଲିଟର ଦେଶୀମଦ ଜବତ କରିଥିଲେ। ପୁଲିସ ପକ୍ଷରୁ ଏକ ମାମଲା ରୁଜୁ କରାଯାଇ ତଦନ୍ତ ଚାଲିଛି ଏବଂ ଖୁବଶୀଘ୍ର ଅଭିଯୁକ୍ତକୁ ଗିରଫ କରାଯିବ ବୋଲି ଆଇଆଇସି ଅନିରୁଦ୍ଧ ମୁଦୁଲି ପ୍ରକାଶ କରିଛନ୍ତି।
Popular Categories
Previous article
Next article