ଭୁବନେଶ୍ଵର: ଓଡ଼ିଶାର ୩ ଆସନରେ ହେବାକୁ ଥିବା ରାଜ୍ୟସଭା ଉପନିର୍ବାଚନ ଲାଗି ସୋମବାର ପ୍ରାର୍ଥିପତ୍ର ଦାଖଲ ପ୍ରକ୍ରିୟା ଶେଷ ହୋଇଛି। ବିଜେଡିର ୨ ପ୍ରାର୍ଥୀ ଏବଂ ବିଜେପି ପକ୍ଷରୁ ଜଣେ ପ୍ରାର୍ଥୀ ବିଧାନସଭାର ସ୍ବତନ୍ତ୍ର ପ୍ରକୋଷ୍ଠରେ ନାମାଙ୍କନପତ୍ର ଦାଖଲ କରିଥିଲେ। ବିଜେଡି ପକ୍ଷରୁ ପ୍ରାର୍ଥୀ ହୋଇଥିବା ବରିଷ୍ଠ ନେତା ଅମର ପଟ୍ଟନାୟକ ଏବଂ ମୁଖପାତ୍ର ସସ୍ମିତ ପାତ୍ର ନାମାଙ୍କନପତ୍ର ଦାଖଲ କରିଥିଲେ। ଏହି ଅବସରରେ ବହୁ ବିଜେଡି ବିଧାୟକ ଏବଂ ମନ୍ତ୍ରୀ ଉପସ୍ଥିତ ଥିଲେ। ସେହିପରି ବିଜେପି ପକ୍ଷରୁ ପ୍ରାର୍ଥୀ ହୋଇଥିବା ଅଶ୍ଵିନୀ ବୈଷ୍ଣବ ଜେପି ନେତାଙ୍କ ସହିତ ଆସି ରିଟର୍ଣ୍ଣିଂ ଅଫିସରଙ୍କ ନିକଟରେ ନାମାଙ୍କନ ଦାଖଲ କରିଥିଲେ।
ସୂଚନାଯୋଗ୍ୟ, ରାଜ୍ୟସଭାରେ ସଦସ୍ୟ ଥିବା ଓଡ଼ିଶାର ୩ସଦସ୍ୟଙ୍କ ଇସ୍ତଫା ପରେ ସେସବୁ ପଦବୀରେ ଉପନିର୍ବାଚନ ହେବ। ଏଥିପାଇଁ ବିଜେଡି ପଧରୁ ୨ ଜଣ ଏବଂ ବିଜେପିରୁ ଜଣେ ପ୍ରାର୍ଥୀ ହୋଇଛନ୍ତି। ବିଜେପି ପ୍ରାର୍ଥୀ ଅଶ୍ଵିନୀ ବୈଷ୍ଣବ ନିର୍ବାଚିତ ହେବା ଲାଗି ବିଧାନସଭାରେ ବିଜେପିର ଆବଶ୍ୟକ ସଂଖ୍ୟକ ବିଧାୟକ ନ ଥିବାବେଳେ ବିଜେଡି ତାଙ୍କୁ ସମର୍ଥନ ଦେବ ବୋଲି ଘୋଷଣା କରିଛି।
