ପାଟଣା : ଘଟଗାଁ ୨୦ ନମ୍ବର ଜାତୀୟ ରାଜପଥ ଖଣ୍ଟଘର ଟୋଲଗେଟ୍ ନିକଟରେ ଶୁକ୍ରବାର ଯାନବାହନ ଯାଞ୍ଚ ସମୟରେ ୩ ଜଣ ମଦ୍ୟପ ଚାଳକଙ୍କୁ ପୁଲିସ ଗିରଫ କରିଛି । ଗିରଫ ପରେ ପୁଲିସ ସେମାନଙ୍କୁ କୋର୍ଟ ଚାଲାଣ କରିବା ସହ ଟ୍ରକ ଗୁଡିକୁ ମଧ୍ୟ ଜବତ କରିଛି । ଗିରଫ ଟ୍ରକ ଚାଳକ ହେଲେ କଟକ ବଡମ୍ବା ଅଞ୍ଚଳର ପ୍ରକାଶ ପାତ୍ର (୩୯), କେନ୍ଦୁଝର ଜିଲ୍ଲା ପାଟଣା ଥାନା ଡାଳପକାର କମଳାକାନ୍ତ ମହାନ୍ତ (୩୪) ଓ ସାହାରପଡା ନିକଟ ଆହାରପଡାର ରୁଦ୍ରନାରାୟଣ ମହାନ୍ତ (୩୬) । ଘଟଗାଁ ଥାନାଧିକାରିଣୀ ବନ୍ଦନା ପାତ୍ର, ସବ୍ଇନ୍ସପେକ୍ଟର ସୁରେଶ ବାରିକ, ଏଏସଆଇ ସହଦେବ ସାହୁ, ଢେଙ୍କିକୋଟ ଫାଣ୍ଡି ଅଧିକାରୀ ସତ୍ୟନାରାୟଣ ପରିଡା ପ୍ରମୁଖ ଯାନବାହନ ଯାଞ୍ଚ କରୁଥିବା ସମୟରେ ଏହି ତିନି ଜଣ ମଦ୍ୟପ ଚାଳକ ପୁଲିସ ହାତରେ ଧରାପଡିଥିଲେ ।
