ନୂଆଦିଲ୍ଲୀ: ଦେଶରେ ଗତ ୨୪ ଘଣ୍ଟା ମଧ୍ୟରେ ୨୨,୪୩୧ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିସହିତ ଦିନକ ମଧ୍ୟରେ ୨୪,୬୦୨ ଜଣ କରୋନାରୁ ସୁସ୍ଥ ହୋଇଛନ୍ତି । ଦିନକ ମଧ୍ୟରେ ୩୧୮ ଜଣ କରୋନା ଆକ୍ରାନ୍ତଙ୍କର ପ୍ରାଣହାନି ଘଟିଛି । ଏହାକୁ ମିଶାଇ ଦେଶରେ କରୋନା ଜନିତ ମୃତ୍ୟୁସଂଖ୍ୟା ୪,୪୯,୮୫୬କୁ ବୃଦ୍ଧିପାଇଛି । ଦୈନିକ କରାଯାଉଥିବା ନମୁନା ପରୀକ୍ଷାରୁ ସଂକ୍ରମିତଙ୍କ ହାର ୦.୭୨% ରହିଛି । ଦେଶରେ ଦୈନିକ ସଂକ୍ରମଣ ହାର ସଂପ୍ରତି ୧.୫୭% ଏବଂ ସାପ୍ତାହିକ ସଂକ୍ରମଣ ହାର ୧.୬୮% ରହିଛି । କରୋନାରୁ ସୁସ୍ଥ ହେବା ହାର ୯୭.୯୫% ରହିଛି । ବୁଧବାର ସଂଧ୍ୟା ସୁଦ୍ଧା ଦେଶରେ ମୋଟ ୩,୩୨,୦୦,୨୫୮ ଜଣ କରୋନାରୁ ସୁସ୍ଥ ହେଲେଣି । ଏଥିସହିତ ସେହି ସମୟ ମଧ୍ୟରେ ୨,୪୪,୧୯୮ ଜଣ ସକ୍ରିୟ ସଂକ୍ରମିତ ରହିଥିବା ଜଣାଯାଇଛି । ବୁଧବାର ସୁଦ୍ଧା ମୋଟ ୫୭.୮୬ କୋଟି ନମୁନା ପରୀକ୍ଷା କରାଯାଇଛି ଏବଂ ସେହି ସମୟ ମଧ୍ୟରେ ଦେଶରେ ୯୨.୬୩ କୋଟି ପାନ ଟିକା ଦିଆଯାଇଛି ।
Popular Categories
Previous article
Next article