ୱାଶିଂଟନ: ଆମେରିକାର ଜନ୍ମଗତ ନାଗରିକତ୍ବ ଅଧିକାର ଉଚ୍ଛେଦ ନେଇ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜାରି କରିଥିବା ନିର୍ଦେଶକୁ ବିରୋଧ କରିଛନ୍ତି ୨୨ଟି ପ୍ରାଦେଶିକ ସରକାର। ଆମେରିକାର ୫୦ଟି ରାଜ୍ୟ ମଧ୍ୟରୁ ୨୨ଟି ରାଜ୍ୟ ସରକାର ଟ୍ରମ୍ପଙ୍କ ନିଷ୍ପତ୍ତି ବିରୋଧରେ ଅଦାଲତଙ୍କ ଦ୍ବାରସ୍ଥ ହୋଇଛନ୍ତି। ଯେଉଁସବୁ ରାଜ୍ୟ ସରକାର ଟ୍ରମ୍ପଙ୍କ ନିଷ୍ପତ୍ତିକୁ ଚାଲେଞ୍ଜ କରିଛନ୍ତି ସେଠାରେ ଡେମୋକ୍ରାଟ ସରକାର କ୍ଷମତାରେ ରହିଛି। ସୋମବାର ଟ୍ରମ୍ପ ଜନ୍ମଗତ ନାଗରିକତ୍ବ ଅଧିକାର ଉଚ୍ଛେଦ ସମ୍ପର୍କିତ ଏକଜିକ୍ୟୁଟିଭ୍ ନିର୍ଦେଶନାମା ଜାରି କରିବାର କିଛି ଘଣ୍ଟା ମଧ୍ୟରେ ଏହାକୁ ପ୍ରାଦେଶିକ ସରକାରଗୁଡିକ ଚାଲେଞ୍ଜ କରିଛନ୍ତି। ଏହା ସହିତ ଆମେରିକାନ ସିଭିଲ୍ ଲିର୍ବଟିଜ୍ ୟୁନିୟନ, ଦେଶାଟନ ସଂଗଠନ ଓ ସନ୍ତାନ ଜନ୍ମ ଦେବାକୁ ଯାଉଥିବା କିଛି ମହିଳା ଟ୍ରମ୍ପଙ୍କ ନିଷ୍ପତ୍ତି ବିରୋଧରେ ଅଦାଲତଙ୍କ ଦ୍ବାରସ୍ଥ ହୋଇଛନ୍ତି। ଦାୟର ହୋଇଥିବା ପିଟିସନରେ ଅଭିଯୋଗ କରାଯାଇଛି ଯେ ରାଷ୍ଟ୍ରପତି ଟ୍ରମ୍ପ ସମ୍ବିଧାନ ପ୍ରଦତ୍ତ ଅଧିକାରକୁ କ୍ଷୁଣ୍ଣ କରିଛନ୍ତି। ଟ୍ରମ୍ପ ସ୍ବାକ୍ଷର କରିଥିବା ନିର୍ଦେଶନାମା ସାମ୍ବିଧାନିକ ଅଧିକାରକୁ କ୍ଷୁଣ୍ଣ କରୁଥିବାରୁ ଏହା ଉପରେ ଅଦାଲତ ସମୀକ୍ଷା କରିପାରିବେ। ଆବଶ୍ୟକ ସ୍ଥଳେ ଅଦାଲତ ଏହି ନିଷ୍ପତିକୁ ଖାରଜ କରିପାରିବେ।
Popular Categories
Previous article
Next article