ଗୁରୁଡିଝାଟିଆ: ଜାଲିଆତି କରି ନାମୀଦାମୀ କମ୍ପାନୀର ନାମ ଦେଇ ବାହାରକୁ ଲୁହାଛଡ଼ ଚାଲାଣ ଓ ବିକ୍ରୟ କରିବା ଅଭିଯୋଗରେ ଗୁରୁଡିଝାଟିଆ ପୁଲିସ ପରମେଶ୍ୱରୀ ଷ୍ଟିପ୍ର ମାଲିକ ପ୍ରବିନ ସିଂଙ୍କ ବିରୋଧରେ ମକଦ୍ଦମା ରୁଜୁ କରିଛି। କପୁରସିଂଠାରେ ନିର୍ମିତ ପରମେଶ୍ୱରୀ ଷ୍ଟିପ୍ କାରଖାନା କର୍ତ୍ତୃପକ୍ଷ ଜାଲିଆତି କରି ନାମୀଦାମୀ କମ୍ପାନୀ ବ୍ରାଣ୍ଡ୍ର ରଡ ଉତ୍ପାଦନ କରିବା ସହ ବାହାରକୁ ଚୋରା ଚାଲାଣ କରୁଥିବା ନେଇ ବନଦୁର୍ଗା ଫୁଏଲ କାରଖାନାର ବିକ୍ରୟ ଅଧିକାରୀ ମହମ୍ମଦ ସୟିଦ ଗୁରୁଡିଝାଟିଆ ଥାନାରେ ଲିଖିତ ଅଭିଯୋଗ କରିଥିଲେ। ଏହାକୁ ଭିତ୍ତିକରି ଥାନା ଅଧିକାରୀ ପରେଶ କୁମାର ମହାନ୍ତି ଅନୁଧ୍ୟାନ ପୂର୍ବକ ପରମେଶ୍ୱରୀ କାରଖାନାକୁ ଯାଇଥିଲେ। ସେଠାରୁ ୧୫୨ଟନ ଲୁହାରଡକୁ ଜବତ କରିଥିଲେ। କାରଖାନା କର୍ତ୍ତୃପକ୍ଷ ବାହାରକୁ ବହୁ ପରିମାଣର ନାମୀ ମାର୍କାର ନାମ ଦେଇ ଜାଲିଆତି ପୂର୍ବକ ରଡ ବିକ୍ରୟ କରୁଥିବା ସମ୍ପର୍କରେ ପୁଲିସ ଅବଗତ ହେବା ପରେ ଖୋଳତାଡ ଆରମ୍ଭ କରିଛି।
Comments are closed.