ପୁଡୁକୋଟ୍ଟାଇ : କେରଳ ଶାବରୀମାଳାର ଭଗବାନ ଆୟାପ୍ପାଙ୍କ ଦର୍ଶନ ସାରି ଫେରୁଥିବା ୧୦ଜଣ ତୀର୍ଥଯାତ୍ରୀ ଦୁର୍ଘଟଣାରେ ପ୍ରାଣ ହରାଇଛନ୍ତି। ଦୁର୍ଘଟଣାରେ ୫ଜଣ ଆହତ ହୋଇଛନ୍ତି। ରିପୋର୍ଟ ଅନୁଯାୟୀ ରବିବାର ଅପରାହ୍ଣରେ ତୀର୍ଥଯାତ୍ରୀମାନେ ଆୟାପ୍ପାଙ୍କ ଦର୍ଶନ ସାରି ଏକ ଭ୍ୟାନରେ ଫେରୁଥିବାବେଳେ ଏହା ଉପରେ ଏକ ଟ୍ରକ୍ ଚଢିଯାଇଥିଲା। ତେଲଙ୍ଗାନା ମେଟହକ ଜିଲାର ଏହି ତୀର୍ଥଯାତ୍ରୀମାନେ ରାମେଶ୍ବରମ୍ରୁ ଫେରୁଥିବାବେଳେ ଦୁର୍ଘଟଣା ହୋଇଥିଲା। ଟ୍ରକ ଚାଳକଙ୍କ ବେପରୁଆ ଗାଡି ଚାଳନା ଯୋଗୁଁ ଦୁର୍ଘଟଣା ହୋଇଥିବା ପୁଲିସ କହିଛି।
