ନୂଆଦିଲ୍ଲୀ : ହାଲ୍କୁ ନେଇ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ତାଙ୍କ ବିରୋଧରେ ଆଣିଥିବା ଅଭିଯୋଗକୁ ପ୍ରତିରକ୍ଷାମନ୍ତ୍ରୀ ନିର୍ମଳା ସୀତାରମଣ ଖଣ୍ଡନ କରିଛନ୍ତି। ସୀତାରମଣ କହିଛନ୍ତି ଯେ ହାଲକୁ ନେଇ ରାହୁଲ ଦେଶକୁ ବିଭ୍ରାନ୍ତ କରୁଛନ୍ତି। ଏହା ଅତ୍ୟନ୍ତ ଲଜ୍ଜାକର ବିଷୟ। ହାଲକୁ ସରକାର ୧ଲକ୍ଷ କୋଟି ଟଙ୍କାର ଅଧିଗ୍ରହଣ ନିର୍ଦେଶ ଦିଆଯିବା ସମ୍ପର୍କରେ ସୀତାରମଣ ସବିଶେଷ ତଥ୍ୟ ଦେଇଛନ୍ତି। ସୀତାରମଣ କହିଛନ୍ତି ଯେ ୨୦୧୪ରେ ବିଜେପି କ୍ଷମତାକୁ ଆସିବା ପରେ ହାଲ୍ ଠାରୁ ୨୬,୫୭୦ କୋଟି ଟଙ୍କାର ପ୍ରତିରକ୍ଷା ସାମଗ୍ରୀ ଅଧିଗ୍ରହଣ ନିର୍ଦେଶ ଦିଆଯାଇଛି। ଆଉ ୭୩,୦୦୦ କୋଟି ଟଙ୍କାର ବୁଝାମଣା ପାଇଁ ଯୋଜନା ଚାଲିଛି। ତେଣୁ ହାଲ୍କୁ ସରକାର ୧ଲକ୍ଷ କୋଟି ଟଙ୍କାର ଅଧିଗ୍ରହଣ ନିର୍ଦେଶ ଦେଇଥିବା ନେଇ ସଂସଦରେ ଯାହା କୁହାଯାଇଛି ତାହା ମିଛ ନୁହେଁ। ବରଂ ରାହୁଲ ନିଜେ ମିଛ କହିଥିବାରୁ ସଂସଦରେ କ୍ଷମା ମାଗନ୍ତୁ ବୋଲି ସୀତାରମଣ କହିଛନ୍ତି।
