ଭବାନୀପାଟଣା :-କଳାହାଣ୍ଡି ଜିଲା ଜୟପାଟଣା ବ୍ଲକର ମୋଟେର- ଜୟପାଟଣା ମୂଖ୍ୟ ରାସ୍ତାର ରଣମାଲ ବଜାର ପଡିଆ ନିକଟରେ ମଙ୍ଗଳବାର ଅପରାହ୍ନ ୩ .୩୦ ମିନିଟ ସମୟରେ ଏକା କାର ଓ ମଟରସାଇକେଲ ମଧ୍ୟରେ ମୁହାଁ ମୁହିଁ ଧକ୍କା ହେବାରୁ ଜଣଙ୍କର ମୃତ୍ୟୁ ହୋଇଛି ।
ଓଆର୦୮ସି ୯୦୫୫ ନମ୍ବର ବିଶିଷ୍ଟ ମଟର ସାଇକେଲ ,ସାମ୍ନା ପଟୁ ଆସୁଥିବା ଓଆର୦୮ସି ୨୭୪୫ କାର୍ ସହ ସହିତ ମୁହାଁମୁହିଁ ଧକ୍କା ହୋଇଥିଲା । ମୋଟରସାଇକେଲ ଚାଳକ କଲମପୁର ବ୍ଲକ ବେଲପଡା ଗ୍ରାମର ରିଙ୍କୁ ମୁଣ୍ଡ (୪୮) ଘଟଣାସ୍ଥଳରେ ମୃତ୍ୟୁ ହୋଇଥିବା ସୂଚନା ମିଳିଛି । ପୁଲିସ ଦୁର୍ଘଟଣାଗ୍ରସ୍ତ ଦୁଇଟି ଗାଡିକୁ ଜବତ କରିଛି ।
