କଟକ : ବିଚାରପତି ପଦ ପୂରଣ ନେଇ ଓଡ଼ିଶା ହାଇକୋର୍ଟ ବାର ଆସୋସିଏସନ ପକ୍ଷରୁ ପୁଣି ଅାନ୍ଦୋଳନ ଜାରି ରହିବ ବୋଲି ସୋମବାର ସାଧାରଣ ପରିଷଦ ବୈଠକ ବସିବା ପରେ ଏପରି ନିଷ୍ପତ୍ତି ନିଆଯାଇଛି। ଏହି କାର୍ଯ୍ୟବନ୍ଦ ଆନ୍ଦୋଳନ ଆସନ୍ତା ୫ତାରିଖ ପର୍ଯ୍ୟନ୍ତ ଜାରି ରହିବ। ୫ତାରିଖ ଦିନ ୧.୨୦ମିନିଟରେ ସାଧାରଣ ପରିଷଦ ବୈଠକ ବସିବା ପରେ ପରବର୍ତ୍ତୀ କାର୍ଯ୍ୟପନ୍ଥା ସଂପର୍କରେ ନିଷ୍ପତ୍ତି ନିଆଯିବ ବୋଲି ବାର ସଭାପତି ଶ୍ରୀକାନ୍ତ କୁମାର ନାୟକ ସୂଚନା ଦେଇଛନ୍ତି। ଫେବୃଆରୀ ୧୨ତାରିଖ ଠାରୁ ଏହି ଆନ୍ଦୋଳନ ଚାଲି ଆସୁଛି; ଫଳରେ କୋର୍ଟ କାର୍ଯ୍ୟ ଅଚଳ ହୋଇଯାଇଛି। କୌଣସି ମାମଲାର ଶୁଣାଣି ହୋଇପାରୁ ନ ଥିବାବେଳେ ନୂଆ ମାମଲା ମଧ୍ୟ ରୁଜୁ ହୋଇପାରୁ ନାହିଁ। ବିଚାରପତି ପଦ ପୂରଣ ନେଇ ବାର ପକ୍ଷରୁ ଏକ ପ୍ରତିନିଧି ମଣ୍ଡଳୀ ଇତିମଧ୍ୟରେ ବରିଷ୍ଠ ବିଚାରପତିଙ୍କୁ ସାକ୍ଷାତ କରି ଏକ ଦାବିପତ୍ର ପ୍ରଦାନ କରିଛନ୍ତି। ସେହିପରି ଦାବି ପୂରଣ କରିବା ପାଇଁ ରାଷ୍ଟ୍ରପତି, ପ୍ରଧାନମନ୍ତ୍ରୀ, ପ୍ରଧାନ ବିଚାରପତି, ମୁଖ୍ୟ ବିଚାରପତି, ମୁଖ୍ୟମନ୍ତ୍ରୀ, କେନ୍ଦ୍ର ଓ ରାଜ୍ୟ ସରକାରଙ୍କ ଆଇନ ମନ୍ତ୍ରୀଙ୍କୁ ସ୍ମାରକପତ୍ର ପ୍ରଦାନ କରାଯାଇଛି।