ଭୁବନେଶ୍ବର: ଆଜି ରାଜ୍ୟ ମନ୍ତ୍ରୀମଣ୍ଡଳରେ ଅଦଳବଦଳ ହୋଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୂର୍ତ୍ତ ଓ ଜଳ ସମ୍ପଦ ବିଭାଗ ଦାୟିତ୍ଵ ଛାଡ଼ିଛନ୍ତି । ପ୍ରଫୁଲ୍ଲ ମଲ୍ଲିକଙ୍କୁ ଇସ୍ପାତ ଓ ଖଣି ବିଭାଗ ସହିତ ପୂର୍ତ୍ତ ବିଭାଗ ଦାୟିତ୍ୱ ମିଳିଛି । ସେହିପରି ନିରଞ୍ଜନ ପୂଜାରୀଙ୍କୁ ଜଳସମ୍ପଦ ବିଭାଗ ଦାୟିତ୍ଵ ଦିଆଯାଇଛି ।
ଶ୍ରମ ବିଭାଗ ସହିତ ଶକ୍ତି ବିଭାଗ ଦାୟିତ୍ଵ ମଧ୍ୟ ସଂଶାନ୍ତ ସିଂହଙ୍କୁ ମିଳିଛି । ନଗର ଉନ୍ନୟନ ବିଭାଗ ସହ ଜଳସମ୍ପଦ ବିଭାଗ ଦାୟିତ୍ୱରେ ରହିବେ ନିରଞ୍ଜନ । ଉଚ୍ଚ ଶିକ୍ଷା ବିଭାଗ ସହ ଶିଳ୍ପ ବିଭାଗ ଦାୟିତ୍ୱ ମଧ୍ୟ ତୁଲାଇବେ ଅନନ୍ତ ଦାସ । ସେହିପରି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସହ ଅତିରିକ୍ତ ସୂଚନା ଓ ଲୋକ ସମ୍ପର୍କ ବିଭାଗ ଦାୟିତ୍ଵ ପ୍ରତାପ ଜେନାଙ୍କୁ ମିଳିଛି ।
