ମୁମ୍ବଇ : ମହାରାଷ୍ଟ୍ରର ନଭି ମୁମ୍ବଇରେ ଏକ ବିମାନ ବନ୍ଦରର ଭୂମି ପୂଜନ ଉତ୍ସବକୁ ନେଇ ବିଜେପି ଓ ଶିବ ସେନା ମଧ୍ୟରେ ଥିବା ବିବାଦ ପୁଣି ଥରେ ପଦାକୁ ଆସିଛି । ରବିବାର ଏହି ଭୂମି ପୂଜନ ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗଦେବାକୁ ଆସିଥିବାବେଳେ ଶିବ ସେନା କର୍ମୀ କଳା ପତାକା ଦଖାଇ ବିରୋଧ ପ୍ରଦର୍ଶନ କରିବାକୁ ଚେଷ୍ଟା କରିଥିଲେ । ଶିବ ସେନା ମୁଖ୍ୟ ଉଦ୍ଧବ ଠାକରେ ଏହି କାର୍ଯ୍ୟକ୍ରମରୁ ନିଜକୁ ଦୂରେଇ ନେଇଥିଲେ । ପୁଲିସ୍ ଏ ସୂଚନା ପାଇବା ପରେ ସୁରକ୍ଷା ବ୍ୟବସ୍ଥାକୁ କଡ଼ାକଡି କରିଥିଲା । ବିଭିନ୍ନ ସ୍ଥାନରୁ ବାଛି ବାଛି ଶିବ ସେନା କର୍ମୀଙ୍କୁ ଗିରଫ କରିଥିଲା । ଭୂମି ପୂଜନ ପରେ ସନ୍ଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମହାରାଷ୍ଟ୍ର ସରକାରଙ୍କ ମାଗନେଟିକ୍ ମହାରାଷ୍ଟ୍ର କନଭରଜେନ୍ସ-୨୦୧୮ର ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି । ତେବେ ଏହି ଉତ୍ସବରେ ଶିବ ସେନା କର୍ମୀ ପହଞ୍ଚି କଳା ପତାକା ପ୍ରଦର୍ଶନ କରିପାରନ୍ତି ବୋଲି ଆଶଙ୍କା କରାଯାଉଛି । ଭୂମି ପୂଜନ ଉତ୍ସବରେ ଶିବସେନାର ସ୍ଥାନୀୟ ନେତା ଓ ପ୍ରମୁଖଙ୍କୁ ନିମନ୍ତ୍ରଣ କରାଯାଇନଥିବାରୁ ଶିବ ସେନା ପକ୍ଷରୁ ଏହାକୁ ବିରୋଧ ପ୍ରଦର୍ଶନ କରାଯାଇଥିଲା । ଶିବସେନାକୁ ଅବହେଳା କରିବା ଠିକ୍ ତେଣୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମୁମ୍ବଇ ଗସ୍ତକୁ ବିରୋଧ କରାଯାଇଛି ବୋଲି ସୂଚନା ଦିଆଯାଇଛି ।
