ଗୁଆହାଟି : ଭାରତୀୟ ବାୟୁ ସେନାର ଏକ ମାଇକ୍ରୋଲାଇଟ ହେଲିକପ୍ଟର ଆସାମର ମାଜୁଲି ଦ୍ୱୀପ ନିକଟରେ ଗୁରବାର ଦୁର୍ଘଟଣାଗ୍ରସ୍ତ ହୋଇଛି । ଏଥିରେ ହେଲିକପ୍ଟରରେ ଥିବା ୨ ଜଣ ପାଇଲଟ ପ୍ରାଣ ହରାଇଛନ୍ତି । ମାଜୁଲି ଦ୍ୱୀପ ପୁଲିସ୍ ହେଲିକପ୍ଟରର ଦୁର୍ଘଟଣା ଓ ପାଇଲଟଙ୍କ ମୃତ୍ୟୁ ନେଇ ସୂଚନା ପ୍ରଦାନ କରିଛନ୍ତି । ମାଜୁଲି ଦ୍ୱୀପର ସୁମୋଇମାରି-ଚାପୋରିରେ ଏହି ଦୁର୍ଘଟଣା ଘଟିଛି। ଆସମର ରୋୱରିଅ ବିମାନ ବନ୍ଦରରୁ ହେଲିକପ୍ଟରଟି ଉଡ଼ାଣ ଭରିଥିଲା । ଗୁରୁବାର ଦିନ ପ୍ରାୟ ସାଢେ ୧ଟା ବେଳେ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇ ବ୍ରହ୍ମପୁତ୍ର ନଦୀରେ ଥିବା ମାଜୁଲି ଦ୍ୱୀପରେ ଯାଇ ପଡିଥିଲା । ଜିଲା ପ୍ରାଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚିଥିବାବେଳେ ପ୍ରତିରକ୍ଷା ଅଧିକାରୀ ଓ ବାୟୁ ସେନା ଅଧିକାରୀମାନେ ସେଠାକୁ ଯାଉଥିବା ସୂଚନା ମିଳିଛି । ଯାନ୍ତ୍ରିକ ତ୍ରୁଟିରୁ ଏହି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି ବୋଲି ବାୟୁ ସେନାର ଜଣେ ଅଧିକାରୀ ପ୍ରକାଶ କରିଛନ୍ତି ।
Popular Categories
Previous article
Next article