ଟୋକିଓ: ଜାପାନରେ କରୋନା ସଂକ୍ରମଣର ଗତି ତୀବ୍ର ହୋଇଛି ଏବଂ ଏଥିପାଇଁ ତୁରନ୍ତ ପ୍ରତିଷେଧକ ବ୍ୟବସ୍ଥା ଗ୍ରହଣ କରିବାକୁ ଚେତାବନୀ ଦେଇଛନ୍ତି ଟୋକିଓ ଗଭର୍ଣ୍ଣର ୟୁରିକୋ କୋଏକେ । ଟୋକିଓର ରାଜ୍ୟପାଳ ୟୁରିକୋ କୋଏକେ ବୁଧବାର ଟୋକିଓରେ ମହାନଗର ନିଗମ ସରକାରୀ କାର୍ୟ୍ୟାଳୟରେ ଏକ ସାମ୍ବାଦିକ ସମ୍ମିଳନୀରେ ରେସ୍ତୋରାଁ, ଦୋକାନ ଏବଂ ନାଇଟ୍ କ୍ଲବ୍ ଅପରେଟରମାନଙ୍କୁ ସୁରକ୍ଷା ବ୍ୟବସ୍ଥା ପାଳନ କରିବା ଓ ନିର୍ଦ୍ଦେଶାବଳୀର କଠୋର ଅନୁପାଳନ ଉପରେ ଗୁରୁତ୍ବ ଦେଇଛନ୍ତି । ଏହି ଅବସରରେ କୋଇକେ ସୁରକ୍ଷା ବ୍ୟବସ୍ଥା ଉଲ୍ଲଂଘନ କରୁଥିବା ବ୍ୟବସାୟ ମାଲିକଙ୍କୁ ଦଣ୍ଡିତ କରିବାକୁ ସ୍ଥାନୀୟ ରାଜ୍ୟପାଳଙ୍କୁ ଅନୁମତି ଦେବା ପାଇଁ ଆଇନର ପୁନର୍ବିଚାର କରିବାକୁ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କ ସରକାରଙ୍କୁ ଅନୁରୋଧ କରିଛନ୍ତି ।
ସହର ବାହାରେ ଥିବା ଅନାବଶ୍ୟକ ଯାତ୍ରାକୁ ଏଡ଼ାଇବାକୁ ସେ ବାସିନ୍ଦାଙ୍କୁ ନିବେଦନ କରିବା ସହ ପର୍ଯ୍ୟଟନ ଅଭିଯାନ ସମ୍ପର୍କରେ ଆଉଥରେ ଚିନ୍ତା କରିବାକୁ ପରାମର୍ଶ ଦେଇଛନ୍ତି । ସୂଚନାଯୋଗ୍ୟ ଯେ ଟୋକିଓରେ ଏବେ ସକ୍ରିୟ ମାମଲା ସଂଖ୍ୟା ୮୧୯୮ ରହିଛି ମାତ୍ର ୩୨୫ ଜଣ ମୃତ୍ୟୁବରଣ କରିଛନ୍ତି ।
