କମେଡି ଷ୍ଟାର କପିଲ ଶର୍ମା ଖୁବ୍ଶୀଘ୍ର ଟିଭି ପରଦାକୁ ଫେରୁଛନ୍ତି। ନୂଆ ଶୋ’ ଫ୍ୟାମିଲି ଟାଇମ ୱିଥ କପିଲ ଶର୍ମା ଜରିଆରେ ଦର୍ଶକଙ୍କୁ ହସାଇବାକୁ ସେ ସମ୍ପୂର୍ଣ୍ଣ ପ୍ରସ୍ତୁତ। ଏଥିପାଇଁ କପିଲଙ୍କୁ ମିଳିଛି ନୂଆ ଭ୍ୟାନିଟ୍ ଭ୍ୟାନ୍। ନିକଟରେ କପିଲ ଏହି ଭ୍ୟାନିଟ୍ ଭ୍ୟାନ୍ର କିଛି ଫଟୋ ସୋସିଆଲ ମିଡିଆରେ ସେୟାର କରିଛନ୍ତି। ଭ୍ୟାନିଟ୍ ଭ୍ୟାନଟି ସମ୍ପୂର୍ଣ୍ଣ ବିଳାସପୂର୍ଣ୍ଣ ହୋଇଥିବା ଫଟୋରୁ ସ୍ପଷ୍ଟ ହେଉଛି। ଦି କପିଲ ଶର୍ମା ଶୋ’ ବନ୍ଦ ହେବା ପରେ ତାଙ୍କ ପ୍ରଶଂସକ ନିରାଶ ହୋଇପଡ଼ିଥିଲେ। ଏବେ ପୁଣି କପିଲଙ୍କ ଲେଉଟାଣି ନେଇ ପ୍ରଶଂସକ ଉତ୍କଣ୍ଠାର ସହ ଚାହିଁ ରହିଛନ୍ତି। ତାଙ୍କ ନୂଆ ଶୋ’ ସୋନି ଟିଭିରେ ପ୍ରସାରିତ ହେବ।
