ବୁର୍ଲା : ବୁର୍ଲା ଏନଏସି ମହାବିଦ୍ୟାଳୟରେ ଯୁବ ମେଳା ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ଗଙ୍ଗାଧର ମେହେର ବିଶ୍ବବିଦ୍ୟାଳୟ, ହୀରାକୁଦ ମହାବିଦ୍ୟାଳୟ ଏବଂ ଏନଏସସିବି ମହାବିଦ୍ୟାଳୟର ଛାତ୍ର ଛାତ୍ରୀ ମାନେ ଅଂଶ ଗ୍ରହଣ କରିଥିଲେ। ଯୁବା ମେଳା ଉତ୍ସବରେ ବିଭିନ୍ନ ଖାଦ୍ୟ ଷ୍ଟଲ, କ୍ରୀଡା ଜୋନ ଏବଂ ଅନ୍ୟାନ୍ୟ ସଚେତନତା କାର୍ଯ୍ୟକ୍ରମ ଯେପରି ରାଗିଙ୍ଗ ନିରୋଧ, ତମାଖୁ ମୁକ୍ତ କେମ୍ପସ ଏବଂ କିପରି ମାନସିକ ସ୍ବାସ୍ଥ୍ୟ ବିକାଶ ହୋଇପାରିବ ଏହା ଉପରେ କାର୍ଯ୍ୟକ୍ରମ ପର୍ଯ୍ୟବେଷିତ ଥିଲା। ସମୁଦାୟ ୧୦ ଟି ଷ୍ଟଲ ରହିଥଲା ବେଳେ ସମୁଦାୟ ୬୦ ଜଣ ଅଂଶ ଗ୍ରହଣକାରୀ ରହିଥଲେ। ପରିଦର୍ଶକ ଏବଂ ଅତିଥି ପ୍ରାୟ ୫୦୦ ଜଣ ଉପସ୍ଥିତ ରହିଥିଲେ । ଦେବ୍ରିଗଡ ଅଭୟାରଣ୍ୟର ଏକ ଦଳ ପ୍ରକୃତି ଏବଂ ବନ୍ୟ ଜୀବନ ଉପରେ ଏକ ଉପସ୍ଥାପନା ଦେଇଥିଲେ। ଏହି ଉତ୍ସବକୁ ମହାବିଦ୍ୟାଳୟର ଅଧ୍ୟକ୍ଷ ଡ ଭାରତ ଚୌଧିରୀ ଉଦଘାଟନ କରିଥିଲେ । ବୁର୍ଲା ଏନଏସି ମହାବିଦ୍ୟାଳୟର ବାଣିଜ୍ୟ ବିଭାଗର ଅଧ୍ୟାପକ ସାୟଦ ଫରହାନ ହାଇଦରଙ୍କ ନେତୃତ୍ବରେ ଛାତ୍ର ଛାତ୍ରୀଙ୍କ ଦ୍ଵାରା ଏହି କାର୍ଯ୍ୟକ୍ରମ ସଫଳ ହୋଇଥିଲା।
Comments are closed.