ନୂଆଦିଲ୍ଲୀ – (ସମାଜ ଡିଜିଟାଲ୍ ଡେସ୍କ) ଚୀନ୍ର ବୈଦେଶିକ ମନ୍ତ୍ରୀ ଓ୍ୱାଙ୍ଗ ୟି ଭାରତ ଗସ୍ତରେ ଆସିବେ । ସେ ଏହି ଗସ୍ତ ସମୟରେ ଭାରତର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ୍ଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି। ଦୁଇ ଦେଶ ମଧ୍ୟରେ ଥିବା ସୀମା ବିବାଦକୁ ନେଇ ଆଲୋଚନା ହେବ ବୋଲି ସୂଚନା ମିଳିଛି ।
ଆସନ୍ତା ସପ୍ତାହରେ ଓ୍ୱାଙ୍ଗ ଭାରତ ଗସ୍ତରେ ଆସିବେ । ଆସନ୍ତା ସୋମବାରରେ ସେ ଭାରତରେ ପହଞ୍ଚି ଅଜିତ୍ ଡୋଭାଲ୍ଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି । ପ୍ରଧାନମନ୍ତ୍ରୀ ମୋଦୀଙ୍କର ଚୀନ୍ ଗସ୍ତର ଠିକ୍ ଦିନକ ପୂର୍ବରୁ ସେ ଭାରତ ଆସିବେ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଚୀନ୍ର ଟିଆନ୍ଜିନ୍ରେ ହେବାକୁ ଥିବା ସାଙ୍ଘାଇ କୋଅପରେସନ୍ ଅର୍ଗାନାଇଜେସନ୍ର ବୈଠକରେ ଯୋଗଦେବାର କାର୍ଯ୍ୟକ୍ରମ ରହିଛି ।
#india_china



