ଭୁବନେଶ୍ୱର : ଭୁବନେଶ୍ୱର ବାଣୀବିହାର ସ୍ଥିତ କିନ୍ନର ବସ୍ତିରେ ବିଶ୍ୱ ଜଳ ଦିବସ ପାଳିତ ହୋଇଯାଇଛି। ସିଏଫ୍ଏଆର ଜାତୀୟ ଅନୁଷ୍ଠାନ ତରଫରୁ ଆୟୋଜିତ ଏହି କାର୍ଯ୍ୟକ୍ରମରେ ବିଭିନ୍ନ ମହିଳା, କିନ୍ନର, ଭିନ୍ନକ୍ଷମ, ଯୁବକ ଗୋଷ୍ଠୀ ଆଦି ଯୋଗ ଦେଇଥିଲେ। ସମସ୍ତଙ୍କୁ କିପରି ବିଶୁଦ୍ଧ ପାନୀୟଜଳ ମିଳିପାରିବ ତାକୁ ନେଇ ଆଲୋଚନା କରାଯାଇଥିଲା। 
ଚଳିତ ବର୍ଷ ବିଶ୍ୱ ଜଳ ଦିବସର ଥିମ ରହିଥିଲା ‘ଲିଭିଙ୍ଗ ନୋ ୱାନ ବିହାଇଣ୍ଡ’। ଏହାର ଅର୍ଥ କୌଣସି ବ୍ୟକ୍ତି ଜାତି, ବର୍ଣ୍ଣ, ଧର୍ମ ନିର୍ବିଶେଷରେ ବିଶୁଦ୍ଧ ଜଳ ପାନୀୟ ଜଳ ପାଇବାରେ ଯେପରି କିଏ ବଞ୍ଚିତ ନ ହୁଅନ୍ତୁ। ଏହି ଅବସରରେ ବିଭିନ୍ନ ଗ୍ରୁପ ସହ ଆଲୋଚନା ମଧ୍ୟ କରାଯାଇଥିଲା। ଏହାବ୍ୟତୀତ ଜୀବନରେ ଜଳର ମୂଲ୍ୟକୁ ନେଇ ବିଭିନ୍ନ ସ୍ଲୋଗାନ ଲେଖାଯାଇଥିଲା। ଶେଷରେ ସମସ୍ତ ଅତିଥି ଓ କର୍ମକତ୍ତା ଜଳର ଉଚିତ ବ୍ୟବହାର କରିବେ ବୋଲି ଶପଥ ନେଇଥିଲେ। ଏହି କାର୍ଯ୍ୟକ୍ରମରେ ଓଡ଼ିଶା କିନ୍ନର ଶାଖା ସଭାପତି ମୀରା ପରିଡା, ସ୍ୱାଭିମାନ, ଲୋପାମୁଦ୍ରା ପଣ୍ଡା, ଲଲିତ ବଢାଇ, ପ୍ରମିଳା ପ୍ରମୁଖ ଯୋଗ ଦେଇଥିଲେ।
କିନ୍ନର ବସ୍ତିରେ ବିଶ୍ୱ ଜଳ ଦିବସ ପାଳିତ
Popular Categories
Previous article
Next article