ନୂଆଦିଲ୍ଲୀ : ୧୮୯୩ ମସିହାରେ ବିଶ୍ୱ ଧର୍ମ ସମ୍ମିଳନୀରେ ସ୍ୱାମୀ ବିବେକାନନ୍ଦଙ୍କ ଐତିହାସିକ ଉଦ୍ବୋଧନର ୧୨୫ତମ ବାର୍ଷିକ ଉପଲକ୍ଷେ ଦ୍ୱିତୀୟ ବିଶ୍ୱ ହିନ୍ଦୁ ସମ୍ମିଳନୀ ଆୟୋଜନ କରାଯାଇଛି। ଗ୍ରେଟର ସିକାଗୋରେ ଥିବା ହିନ୍ଦୁ ମନ୍ଦିର ପରିସରରେ ପ୍ରବାସୀ ଭାରତୀୟମାନଙ୍କ ବିଭିନ୍ନ ସଂଗଠନଗୁଡ଼ିକ ପକ୍ଷରୁ ଏହି ସମ୍ମିଳନୀ ଆୟୋଜନ କରାଯାଇଛି। ଅଜିଠାରୁୁ ୯ ତାରିଖ ପର୍ଯ୍ୟନ୍ତ ଏହି ଦ୍ୱିତୀୟ ବିଶ୍ୱ ହିନ୍ଦୁ ସମ୍ମିଳନୀ ଅନୁଷ୍ଠିତ ହେଉଛି। ଉପରାଷ୍ଟ୍ରପତି ଏମ୍ ଭେଙ୍କେୟା ନାଇଡୁ ଏଥିରେ ଯୋଗଦେବା ପାଇଁ ୩ ଦିନିଆ ଆମେରିକା ଯାତ୍ରା କରିଛନ୍ତି। ବିଶ୍ୱ ହିନ୍ଦୁ ସମ୍ମିଳନୀରେ ଅବସରରେ ସେ ଭାରତୀୟମାନଙ୍କୁ ସେଠାରେ ଉଦ୍ବୋଧନ ଦେବେ। ଏହି ଅବସରରେ ଶ୍ରୀ ନାଇଡୁ ବିଶ୍ୱର ଅନେକ ନେତାମାନଙ୍କ ସହ ଦ୍ୱିପକ୍ଷୀୟ ଆଲୋଚନା କରିବାର କାର୍ଯ୍ୟକ୍ରମ ରହିଛି।
ଏହି ସମ୍ମିଳନୀରେ ଭାରତର ବିଭିନ୍ନ ସାଧୁସନ୍ଥ ଓ ଆଧ୍ୟାତ୍ମିକ ଗୁରୁ ଯୋଗ ଦେଉଛନ୍ତି।