ସମାଜ ଡିଜିଟାଲ ଡେସ୍କ: କଥାରେ ଅଛି ଯାହାକୁ ରଖିବେ ଅନନ୍ତ, କି କରିପାରେ ବଳବନ୍ତ, ଯାହା ଏହି ଘଟଣାରେ ସତ ପ୍ରମାଣିତ ହୋଇଛି। ଯଦି ଆପଣ ଏହି ଭିଡିଓଟିକୁ ଦେଖିବେ ତା’ହେଲେ ଆପଣଙ୍କ ହୃଦୟର ସ୍ପନ୍ଦନ ବନ୍ଦ ହୋଇଯିବ।
ସୂଚନା ଅନୁଯାୟୀ, ତେଲେଙ୍ଗାନାର ଭିକାରବାଦ ଜିଲ୍ଲାରେ ଘଟିଥିବା ଘଟଣାଟି ବର୍ତ୍ତମାନ ହଇଚଇ ସୃଷ୍ଟି କରିଛି। ଭିକାରବାଦ ଜିଲ୍ଲାର ନାଭାଣ୍ଡି ରେଳ ଷ୍ଟେସନରେ ଦୁଇ ଜଣ ମହିଳା ରେଳ ଧାରଣ ପାର କରୁଥିବା ସମୟରେ ହଠାତ ଗୋଟିଏ ମାଲବୋଝେଇ ଟ୍ରେନ ମାଡି ଆସିଥିଲା, ସେତେବେଳକୁ ଜଣେ ମହିଳା ଟ୍ରାକ ମଧ୍ୟକୁ ଚାଲିଯାଇଥିଲେ ଏବଂ ତାଙ୍କୁ ଟ୍ରେନ ଧକ୍କା ଦେବାରୁ ସେ ଟ୍ରାକ ଉପରେ ହିଁ ପଡିଯାଇଥିଲେ କିନ୍ତୁ ନିଜର ଉପସ୍ଥିତ ବୁଦ୍ଧି ଯୋଗୁ ସେ ସେହି ଟ୍ରାକ ମଧ୍ୟରେ ଶୋଇପଡ଼ିଥିଲେ ଏବଂ ଟ୍ରେନ ଚାଲିଯିବା ପରେ ସେଠାରୁ ଉଠି ଘଟଣାସ୍ଥଳରୁ ଚାଲିଯାଇଥିଲେ। ଏହି ଘଟଣାକୁ ଜଣେ ଯାତ୍ରୀ ନିଜର ମୋବଇଲେରେ କଏଦ କରି ସୋସିଆଲ ମିଡିଆରେ ଛାଡିଥିଲେ, ଯାହା ବର୍ତ୍ତମାନ ଗୋଟିଏ ଆଲୋଡନ ସୃଷ୍ଟି କରିଛି। ମୃତ୍ୟୁ ସାମ୍ନାରେ ରହିଥିଲେ ମଧ୍ୟ ବିଚଳିତ ନ ହୋଇ ମହିଳା ଜଣକ କିପରି ନିଜର ଉଚିତ ବୁଦ୍ଧି ଦ୍ୱାରା ଜୀବନକୁ କିପରି ବଞ୍ଚାଇ ପାରିଲେ ତାହା ଏହି ଭିଡିଓରୁ ଶିକ୍ଷା ମିଳିଛି।
Comments are closed.