ରେଙ୍ଗାଲିକ୍ୟାମ୍ପ: ଅତାବିରା ଦେଇ ଯାଇଥିବା ରେଳ ଲାଇନର ଗୋଡଭଗା-ଚକୁଳି ଫାର୍ମ ମଝିରେ ଜଣେ ମହିଳା ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଛନ୍ତି। ପୂର୍ବାହ୍ନ ପ୍ରାୟ ୧୦ଟା ୩୦ରେ ସମ୍ବଲପୁରରୁ ଟିଟିଲାଗଡ଼ ଯାଉଥିବା ଏକ ମାଲଗାଡ଼ି ଆଗକୁ ମହିଳା ଜଣଙ୍କ ଡେଇଁ ପଡ଼ିବାରୁ କଟିଯାଇ ପ୍ରାଣ ହରାଇଛନ୍ତି। ମୃତା ମହିଳା ଜଣକ ଅତାବିରା ଥାନା ଅନ୍ତର୍ଗତ ଚକୁଳି ଫାର୍ମର ଉପେନ୍ଦ୍ର ନାଗଙ୍କ ସ୍ତ୍ରୀ କାନ୍ତି ନାଗ(୩୪) ବୋଲି ଜଣାପଡିଛି। ଗୋଡ଼ଭଗା ଷ୍ଟେସନ ମାଷ୍ଟର ଏ ନେଇ ସମ୍ବଲପୁର ରେଲୱେ ପୁଲିସକୁ ଖବର ଦେବା ପରେ ଅପରାହ୍ନ ୧ ଟାରେ ପୁଲିସ ମୃତଦେହ ଜବତ କରିଥିଲା। ମୃତ କାନ୍ତିଙ୍କ ୧୧ ବର୍ଷର ଗୋଟିଏ ପୁଅ ଅଛନ୍ତି। କୌଣସି କାରଣରୁ କାନ୍ତି ଶୁକ୍ରବାର ସକାଳେ ଘରୁ କୁଆଡେ ଚାଲି ଯାଇଥିଲେ। ଖୋଜା ଖୋଜି କରୁ କରୁ ସୂଚନା ପାଇ ତାଙ୍କ ଶ୍ଵଶୁର ଘଟଣା ସ୍ଥଳରେ ପହଞ୍ଚିଥିଲେ। ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ତେବେ ସେ କ’ଣ ପାଇଁ ଆତ୍ମହତ୍ୟା କଲେ ତାହା ଜଣାପଡ଼ିନାହିଁ।
Popular Categories
Previous article
Next article