ଅପରେସନ ସିନ୍ଦୂର : ଆପତ୍ତିଜନକ ସୋସିଆଲ ମିଡିଆ ଷ୍ଟାଟସ୍ ପାଇଁ ମହିଳା ଗିରଫ; ଭାରତ ବିରୋଧୀ ପୋଷ୍ଟ ପାଇଁ ଛାତ୍ର ଗିରଫ

ମୁମ୍ବାଇ: ଭାରତୀୟ ସଶସ୍ତ୍ର ବାହିନୀ ଦ୍ୱାରା ଆରମ୍ଭ ହୋଇଥିବା ‘ଅପରେସନ୍ ସିନ୍ଦୂର’ ଉପରେ ଆପତ୍ତିଜନକ ସୋସିଆଲ ମିଡିଆ ଷ୍ଟାଟସ୍ ପାଇଁ ମୁମ୍ବାଇର ମାଲୱାନିର ଜଣେ ୪୦ ବର୍ଷୀୟା ବିଉଟିସିଆନଙ୍କୁ ଗିରଫ କରାଯାଇଛି ​ବୋଲି ପୁଲିସ ରବିବାର କହିଛି।

ଅନ୍ୟ ଏକ ମାମଲାରେ ସାମରିକ ଆକ୍ରମଣ ସମ୍ପର୍କରେ ଭାରତ ବିରୋଧୀ ମନ୍ତବ୍ୟ ପୋଷ୍ଟ କରିବା ଅଭିଯୋଗରେ କୁର୍ଲା ଅଞ୍ଚଳର ଜଣେ ୨୦ ବର୍ଷୀୟା ଛାତ୍ରଙ୍କୁ ପୁଲିସ  ଗିରଫ କରିଛି।

ପ୍ରଥମ ମାମଲାରେ ଭାରତୀୟ ନ୍ୟାୟ ସଂହିତା (ବିଏନଏସ) ଅଧୀନରେ ଏକ ଏଫଆଇଆର ପଞ୍ଜିକୃତ କରାଯାଇଥିଲା ଏବଂ ତଦନ୍ତରେ ଯୋଗଦେବା ପାଇଁ ଏକ ବ୍ୟୁଟି ପାର୍ଲର ଚଳାଉଥିବା ମହିଳାଙ୍କୁ ନୋଟିସ୍ ଦିଆଯାଇଥିଲା।