୫୫ଦିନ ପରେ ସନ୍ଦେଶଖାଲି ହିଂସା ମାମଲାର ମୁଖ୍ୟ ଅଭିଯୁକ୍ତ ଶାଜାହାନ୍‍ ଶେଖ ଗିରଫ

ପଶ୍ଚିମବଙ୍ଗ: ସନ୍ଦେଶଖାଲି ହିଂସା ମାମଲାର ମୁଖ୍ୟ ଅଭିଯୁକ୍ତ ତଥା ଟିଏମସି ନେତା ଶାଜାହାନ୍‍ ଶେଖଙ୍କୁ ପୁଲିସ ଗିରଫ କରିଛି। ଘଟଣାର ୫୫ଦିନ ପରେ କୋଲକାତା ହାଇକୋର୍ଟଙ୍କ ନିର୍ଦ୍ଦେଶ ପରେ ପଶ୍ଚିମବଙ୍ଗ ପୁଲିସ ଶାଜାହାନଙ୍କୁ ବୁଧବାର ବିଳମ୍ବିତ ରାତିରେ ଉତ୍ତର ୨୪ ପ୍ରଗଣାରୁ ଗିରଫ କରିଥିଲା। ଗୁରୁବାର ତାଙ୍କୁ କୋର୍ଟରେ ହାଜର କରାଯିବ। ଶାଜାହାନ ଟିଏମସିର ଜଣେ ପ୍ରଭାବଶାଳୀ ନେତା। ଜାନୁଆରୀ ୫ତାରିଖରେ ରାସନ ବଣ୍ଟନ ଦୁର୍ନୀତିରେ ପଚରାଉଚରା କରିବା ପାଇଁ ଶାଜାହାନଙ୍କ ଘରେ ଇଡ଼ି ପହଂଚିଥିଲା। ତାଙ୍କ ସହଯୋଗୀ ମାନେ ଇଡ଼ି ଟିମ ଉପରେ ଆକ୍ରମଣ କରିଥିଲେ। ପରେ ଇଡ଼ି ଶାଜାହାନଙ୍କୁ ପଚରାଉଚରା କରିବା ପାଇଁ ବାରମ୍ବାର ନୋଟିସ୍‍ କରଥିଲା। ହେଲେ ଇଡି ଅଧିକାରୀଙ୍କୁ ଉପରେ ଆକ୍ରମଣ କରି ଶାଜାହାନ ହାଜର ହୋଇନଥିଲେ। ଏହାପରେ ଗତ ସୋମବାର ଦିନ ଆସନ୍ତା ୪ ତାରିଖ ସୁଦ୍ଧା ଶାଜାହନଙ୍କୁ ଗିରଫ କରିବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଥିଲେ।
ଶାଜାହାନଙ୍କ ନାମରେ ବିରୋଧରେ ସନ୍ଦେଶଖାଲିରେ ଜମି ଜବରଦଖଲ କରିବା ଏବଂ ମହିଳାଙ୍କୁ ନିର୍ଯାତନା ଭଳି ଗୁରୁତର ଅଭିଯୋଗ ରହିଛି। ପୀଡିତା ମହିଳା ଓ ସନ୍ଦେଶଖାଲିରେ ହିଂସା ଘଟାଉଥିବାରୁ ଲୋକମାନେ ଅନେକ ଥର ଟିଏମସି ନେତା ଶାଜାହାନ ଶେଖଙ୍କ ବିରୋଧରେ ଅଭିଯୋଗ କରିଛନ୍ତି।