ଭୁବନେଶ୍ୱର: କାଳବୈଶାଖୀ ବର୍ଷା ସହ ପବନ ରାଜ୍ୟରେ ତାପମାତ୍ରା ବୃଦ୍ଧିରେ ଅଙ୍କୁଶ ଲଗାଇଛି। ଆସନ୍ତା ୧୩ ତାରିଖ ଯାଏଁ ରାଜ୍ୟରେ କାଳବୈଶାଖୀ ପ୍ରଭାବ ରହିବ। ଏହାପରେ ପାଗରେ ପରିବର୍ତ୍ତନ ଆସିବ। ୨୪ ଘଣ୍ଟା ପରେ ପାରଦ ବଢ଼ିବ। ପରବର୍ତ୍ତୀ ୩ ଦିନ ମଧ୍ୟରେ ତାପମାତ୍ରା ୨-୩ ଡିଗ୍ରୀ ବୃଦ୍ଧି ପାଇବ ବୋଲି ଭୁବନେଶ୍ବର ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି। ଆସନ୍ତା ୯ ରୁ ୧୧ ତାରିଖ ପର୍ୟ୍ୟନ୍ତ ପୁରୀ, ଖୋର୍ଦ୍ଧା, ନୟାଗଡ଼, ସୁବର୍ଣ୍ଣପୁର, ବୌଦ୍ଧ, ନୂଆପଡ଼ା, ବଲାଙ୍ଗିର, କଳାହାଣ୍ଡି, କନ୍ଧମାଳ, ନବରଙ୍ଗପୁର ଓ ରାୟଗଡ଼ା ଜିଲାର ଗୋଟିଏରୁ ଦୁଇଟି ସ୍ଥାନକୁ ବିଜୁଳି ଘଡ଼ଘଡ଼ି ସହ ଝଡ଼ବର୍ଷା ସମ୍ଭାବନା ନେଇ ୟେଲୋ ୱାର୍ଣ୍ଣିଂ ଜାରି କରାଯାଇଛି ।
ସୋମବାର ଅପରାହ୍ଣ ସୁଦ୍ଧା ସମ୍ବଲପୁର, ଭଦ୍ରକ, ବରଗଡ଼, ହୀରାକୁଦ, ନୂଆପଡ଼ାରେ ହାଲୁକା ବର୍ଷା ହୋଇଛି। ଗତ ୨୪ ଘଣ୍ଟା ମଧ୍ୟରେ ନୂଆପଡ଼ାରେ ସର୍ବାଧିକ ୩୧.୪ ମି.ମି., ଢେଙ୍କାନାଳରେ ୨୭.୨ ମି.ମି., ଭୁବନେଶ୍ବରରେ ୨୪.୪ ମି.ମି ଓ ଛତ୍ରପୁରରେ ୨୨.୪ ମି.ମି. ବର୍ଷା ରେକର୍ଡ଼ ହୋଇଛି। ଅନ୍ୟ ସ୍ଥାନଗୁଡ଼ିକରେ ୨୦ ମି.ମି.ରୁ କମ୍ ବର୍ଷା ହୋଇଛି। ବର୍ଷା ଯୋଗୁଁ ଖରାର ପ୍ରକୋପ କମିଛି।
ତାତିରୁ ସାମାନ୍ୟ ଆଶ୍ୱସ୍ତି : ୧୩ ଯାଏଁ ରହିବ କାଳବୈଶାଖୀ ପ୍ରଭାବ
Popular Categories
Previous article
Next article