ଟିକିଏ ବର୍ଷାରେ ଗଞ୍ଜାମ ସହରରେ ସ୍ଥିତି ବେହାଲ 

ଗଞ୍ଜାମ: ଲଘୁଚାପ ଜନିତ ବର୍ଷା ହେବା ଫଳରେ ଗଞ୍ଜାମ ସହରର ବିଭିନ୍ନ ୱାର୍ଡରେ ବର୍ଷା ଜଳ ଜମି ରହି କୃତିମ ବନ୍ୟା ପରସ୍ଥିତି ସୃଷ୍ଟି ହୋଇଛି। ଯାହାକୁ ନେଇ ଲୋକମାନେ ଯାତାୟତ ବେଳେ ଅସୁବିଧାରେ ସମ୍ମୁଖୀନ ହେଉଛନ୍ତି। ସହରରେ ଡ୍ରେନେଜ ବ୍ୟବସ୍ଥା ଠିକ ନ ଥିବା ଯୋଗୁଁ ଏହି ସମସ୍ୟା ସୃଷ୍ଟି ହେଉଛି । ଏଥିପ୍ରତି ପ୍ରଶାସନର ନଜର ପଡୁନାହିଁ । ସାହି ବାସିନ୍ଦାଙ୍କ ପକ୍ଷରୁ ବିଭିନ୍ନ ସମୟରେ ଅଭିଯୋଗ ହୋଇଥିଲେ ମଧ୍ୟ କର୍ତ୍ତୃପକ୍ଷ ନୀରବ ଦ୍ରଷ୍ଟା ସାଜିଛିନ୍ତି। ଫଳରେ ଲୋକଙ୍କୁ ଅସୁବିଧା ଭୋଗିବାକୁ ପଡୁଛି ।

ସୂଚନା ଯୋଗ୍ୟ ଯେ, ଗଞ୍ଜାମ ସହରର ସାମନ୍ତରାୟ ସାହି, ରାଉଳ ସାହିରୁ ସାମନ୍ତରାୟ ସାହି ରାସ୍ତା, ସାନ ବଜାର ତଥା ଅନ୍ୟାନ ସାହିରେ ଅନୁରୂପ ଅବସ୍ଥା ସୃଷ୍ଟି ହେଉଛି । ଏଥି ପ୍ରତି ଏନଏସି କର୍ତ୍ତୃପକ୍ଷ ଦୃଷ୍ଟି ଦେବାକୁ ସାଧାରଣରେ ଦାବୀ ହେଉଛି।