ଓ୍ୱାଶିଂଟନ୍: ଆମେରିକାର ଡଲାସ ସହରରେ ବିମାନ ଦୁର୍ଘଟଣା ହୋଇଛି । ମଝି ଆକାଶରେ ଏୟାର ସୋ’ ବେଳେ ୨ଟି ବିମାନ ମଧ୍ୟରେ ଧକ୍କା ହୋଇଥିବା ଦେଖିବାକୁ ମିଳିଛି । ଏହି ଦୁର୍ଘଟଣାରେ ୬ଜଣଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି । କିଛି ଜଣ ମଧ୍ୟ ଆହତ ହୋଇଚନ୍ତି । ମିଳିଥିବା ସୂଚନା ଅନୁସାରେ, ଦୁଇଟି ବିମାନ ଦୁର୍ଘଟଣା ହେବା ପରେ ସଙ୍ଗେସଙ୍ଗେ ଜଳିଜାଇଥିଲା । ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି । ଗଣମାଧ୍ୟମ ରିପୋର୍ଟ ଅନୁଯାୟୀ, ବିମାନ ଦୁର୍ଘଟଣା ଖବର ପାଇବା ମାତ୍ରେ ଜରୁରୀକାଳୀନ କର୍ମଚାରୀମାନେ ତୁରନ୍ତ ଦୁର୍ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ୟ୍ୟ ଆରମ୍ଭ କରିଥିଲେ ।
ଫେଡେରାଲ ଆଭିଏସନ ଆଡମିନିଷ୍ଟ୍ରେସନ ଏକ ବିବୃତ୍ତିରେ କହିଛି ଯେ ଏକ ବୋଇଙ୍ଗ ବି-୧୭ ଫ୍ଲାଇଙ୍ଗ ଓ ବେଲ ପି-୬୩ କିଙ୍ଗକୋବ୍ରା ମଧ୍ୟରେ ଏହି ଦୁର୍ଘଟଣା ହୋଇଛି । ଆମେରିକାର ସମୟ ପ୍ରାୟ ଦିନ ୧ଟା ୨୦ ମିନିଟରେ ଏହି ଦୁର୍ଘଟଣା ହୋଇଛି । ବି-୧୭ ହେଉଛି ଏକ ବୃହତ ଚାରି ଇଞ୍ଜିନ ବିଶିଷ୍ଟ । ଯାହା ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଆମେରିକାର ବାୟୁସେନା ଦ୍ୱାରା ବ୍ୟବହୃତ ହୋଇଥିଲା । କିଙ୍ଗକୋବ୍ରା ହେଉଛି ଏକ ଆମେରିକୀୟ ଯୁଦ୍ଧ ବିମାନ ଯାହା ଯୁଦ୍ଧ ସମୟରେ ସୋଭିଏତ୍ ସୈନ୍ୟଙ୍କ ବିରୋଧରେ ବ୍ୟବହୃତ ହୋଇଥିଲା ବୋଲି ସୂଚନା ଦିଆଯାଇଛି ।
Comments are closed.