ବ୍ରହ୍ମପୁର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭୁବନେଶ୍ୱର ଓଡ଼ିଶା ଆର୍ଥିକ ସେବା ଅଧିକାରୀ ନଳିନୀ କୁମାରୀ ପୃଷ୍ଟିଙ୍କ ଘର ଓ କାର୍ୟ୍ୟାଳୟ ଉପରେ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି। ନଳିନୀଙ୍କ ସ୍ୱାମୀ ବିଜୟ କେତନ ସାହୁ ଛତ୍ରପୁର ତହସିଲଦାର ରୂପେ କାର୍ୟ୍ୟ କରୁଥିବାରୁ କଟକର ଏକ ପାଞ୍ଚ ଜଣିଆ ଭିଜିଲାନ୍ସ ଟିମ୍ ଆସି ଛତ୍ରପୁର ତହସିଲ କାର୍ୟ୍ୟାଳୟ ଓ ତାଙ୍କ ସରକାରୀ ବାସଭବନ ଉପରେ ଚଢ଼ାଉ କରିଛନ୍ତି । ସକାଳ ୬ଟାରୁ ଛତ୍ରପୁର ଆସି ଏହି ଟିମ ବିଭିନ୍ନ କାଗଜପତ୍ର ଯାଂଚ କରିବା ସହ ସେମାନଙ୍କ ସହ ଆଲୋଚନା କରିଥିଲେ । ଭିଜିଲାନ୍ସର ଗୋଟିଏ ଟିମ୍ ଭୁବନେଶ୍ୱରରେ ଚଢ଼ାଉ କରିଥିବାବେଳେ କେନ୍ଦ୍ରାପଡ଼ା ଓ ପୁରୀ ସମେତ ୯ଟି ସ୍ଥାନରେ ଏକା ସମୟରେ ଭିନ୍ନ ଭିନ୍ନ ଟିମ୍ ଚଢ଼ାଉ କରିଛନ୍ତି। ଏହି ଟିମରେ ଡିଏସପି ଶିଶିର ସାହୁ ଓ ଥାନା ଆଇଆଇସି ଶରତ କୁମାର ସାହୁ, ସୁରେଶ କୁମାର କହଁରଙ୍କ ସମେତ ଦୁଇ ସାକ୍ଷୀ ମଧ୍ୟ ଉପସ୍ଥିତ ଥିଲେ । ସୂଚନା ଯୋଗ୍ୟ ଯେ ନଳିନୀ କୁମାରୀ ପୃଷ୍ଟିଙ୍କ ଆୟ ବହିର୍ଭୁତ ସମ୍ପତ୍ତି ଠୁଳ ସମ୍ପର୍କରେ ଭୁବନେଶ୍ୱର ଭିଜିଲାନ୍ସ କାର୍ୟ୍ୟାଳୟରେ ଅଭିଯୋଗ ହୋଇଥିଲା । ଏହାକୁ ଆଧାର କରି ଭିଜିଲାନ୍ସ ପକ୍ଷରୁ ଏକକାଳୀନ ଚଢ଼ାଉ କରାଯାଇଛି ।
Popular Categories
Previous article
Next article