‘ରଖେ ହରି ତ ମାରେ କିଏ’ – ଭିଡିଓରେ ଦେଖନ୍ତୁ,ଖେଳୁ ଖେଳୁ ନାଳକୁ ଖସି ପଡିଲା ଶିଶୁ, ଆଉ ତା’ପରେ..
ନୂଆଦିଲ୍ଲୀ : ପିଲାମାନେ ସାଧାରଣତଃ ଖେଳିବାକୁ ପସନ୍ଦ କରନ୍ତି । ତାଙ୍କ ଚାରିପଟରେ ଥିବା ବିପଦ ମଧ୍ୟ ସେମାନେ ଜାଣି ନଥାଆନ୍ତି । ଅନେକ ସମୟରେ ଖେଳୁଥିବା ଅବସ୍ଥାରେ ବିପଦରେ ପଡି ଯାଆନ୍ତି । ଏହି କାରଣରୁ ପିଲାମାନେ ବାହାରେ ଖେଳୁଥିବା ସମୟରେ ଅଧିକ ଧ୍ୟାନ ଦେବାକୁ ପଡିଥାଏ । ଅନେକ ସମୟରେ ସାମାନ୍ୟ ଅସାବଧାନତା କାରଣରୁ ପିଲାମାନେ ବଡ ବିପଦରେ ମଧ୍ୟ ପଡି ଥାଆନ୍ତି । ନିକଟରେ ସୋସିଆଲ ମିଡିଆରେ ଏକ ଛାତିଥରା ଭିଡିଓ ଭାଇରାଲ ହେଉଛି । ଏକ ଶିଶୁ ଖେଳୁ ଖେଳୁ ଏକ ଖୋଲା ନାଳରେ ଖସି ପଡୁଥିବା ଭିଡିଓରେ ଦେଖିପାରିବେ । ଯାହା ଏବେ ଦ୍ରୁତ ଗତିରେ ଭାଇରାଲ ହେଉଛି । ଏହି ଦୃଶ୍ୟ ଖୁବ୍ ଭୟଭୀତ କରୁଛି ।
ଭାଇରାଲ ଭିଡିଓରେ ଦେଖିପାରିବେ, ୨ ଜଣ ଶିଶୁ ଖେଳି ଖେଳି ନାଳ ନିକଟକୁ ଯାଉଛନ୍ତି । କିଛି କ୍ଷଣ ମଧ୍ୟରେ ଜଣେ ଶିଶୁ ହଠାତ୍ ନାଳ ଭିତରକୁ ଖସି ପଡୁଛି । ଏହାପରେ ନିକଟରେ ଠିଆ ହୋଇଥିବା ଅନ୍ୟ ଜଣେ ଶିଶୁ ପାଟି କରିବା ସହ ସାହାଯ୍ୟ ପାଇଁ ଦୌଡି ପଳାଉଛି । ଏହି ସମୟରେ ଅନ୍ୟ କିଛି ଶିଶୁ ମଧ୍ୟ ସେଠାରେ ନଜର ଆସୁଛନ୍ତି । କିଛି ସମୟ ମଧ୍ୟରେ ନାଳରେ ଶିଶୁଟିକୁ ବୁଡି ଯାଉଥିବା ଦେଖି ନିକଟରୁ ଅନ୍ୟ ବ୍ୟକ୍ତି ଦୌଡି ଆସି ନାଳ ଭିତରକୁ ଡେଇଁ ଶିଶୁଟିର ଜୀବନ ରକ୍ଷା କରୁଛନ୍ତି । ଏହାପରେ ଶିଶୁର ଜୀବନ ବଞ୍ଚି ଯାଉଛି । ଠିକ୍ ସମୟରେ ବ୍ୟକ୍ତି ଜଣକ ନ ପହଞ୍ଚିଥିଲେ, ଏକ ବଡ ଅଘଟଣ ଘଟି ଥାଆନ୍ତା।
ଅଗଷ୍ଟରେ ହେବ ୩ଟି ରାଜଯୋଗ : ଏହି ରାଶିଙ୍କ ଚମକିବ ଭାଗ୍ୟ, ହଠାତ୍ ମିଳିବ ସବୁକିଛି..
ଭିଡିଓକୁ ଦେଖି ଲୋକେ ନିଜର ଭିନ୍ନ ଭିନ୍ନ ପ୍ରତିକ୍ରିୟା ଦେଇ କହିଛନ୍ତି, ଭଗବାନ ଶିଶୁକୁ ରକ୍ଷା କଲେ । କେହି କେହି କହିଛନ୍ତି ଭିଡିଓଟି ଦେଖିଲେ ଭୟ ଲାଗୁଛି । ଏଯାଏଁ ଲକ୍ଷ ଲକ୍ଷ ଲୋକେ ଏହି ଭିଡିଓକୁ ଦେଖି ସାରିଲେଣି ।
ଏୟାରଟେଲର ସବୁଠାରୁ ଶସ୍ତା ପ୍ଲାନ୍; ବର୍ଷଯାକ କରିବାକୁ ପଡିବନି ରିଚାର୍ଜ..
Comments are closed.