ପୂଜା ଘର ପାଇଁ ସଠିକ ଦିଗ :
ଘରେ ପୂଜା ଘର କରିବା ପାଇଁ ଅନେକ ନିୟମ ରହିଛି। ବାସ୍ତୁ ଅନୁଯାୟୀ, ଘରେ ପୂଜା ଘର ସର୍ବଦା ଐଶାନ୍ୟ କୋଣ ଅର୍ଥାତ ଉତ୍ତର-ପୂର୍ବ ଦିଗରେ କରିବା ଉଚିତ।
ପୂଜା କରିବା ପାଇଁ ଦିଗ :
ପୂଜା କରିବା ବେଳେ ସର୍ବଦା ପୂର୍ବ ଓ ଉତ୍ତର ଦିଗକୁ ମୁହଁ କରିବା ଉଚିତ। ଧନ ପ୍ରାପ୍ତି ପାଇଁ ଉତ୍ତର ଦିଗକୁ ମୁହଁ କରି ପୂଜା କରିବା ଉଚିତ। ଜ୍ଞାନ ପ୍ରାପ୍ତି ପାଇଁ ପୂର୍ବ ଦିଗକୁ ମୁହଁ କରି ପୂଜା କରିବା ଉଚିତ।
ପୂଜା ସ୍ଥଳରେ ଏହି କାମ କରିବା ଉଚିତ୍ :
ପୂଜା ସ୍ଥଳରେ ସକାଳେ ଓ ସନ୍ଧ୍ୟା ବେଳେ ନିୟମିତ ରୂପେ ଦୀପ ପ୍ରଜ୍ବଳିତ କରିବା ଉଚିତ। ଏହାସହ ପୂଜା ଘରେ ସର୍ବଦା ଶଙ୍ଖ ରଖିବା ଉଚିତ। ଏପରି କରିବା ଦ୍ବାରା ନକରାତ୍ମକ ଶକ୍ତି ଦୂର ହୋଇଥାଏ। ଏହାଦ୍ବାରା ପରିବାରରେ ସୁଖ-ସମୃଦ୍ଧି ବୃଦ୍ଧି ହୋଇଥାଏ।
ଏଠାରେ ପୂଜା ଘର କରନ୍ତୁ ନାହିଁ :
କେବେ ବି ଗାଧୁଆ ଘର ନିକଟରେ ପୂଜା ଘର କରନ୍ତୁ ନାହିଁ। ଏହାସହ ଷ୍ଟୋର ରୁମ ଓ ସିଡି ପାଖରେ ମଧ୍ୟ ପୂଜା ଘର କରିବା ଅନୁଚିତ।
ପୂଜା ଘରେ ଏହି ମୂର୍ତ୍ତି ରଖିବା ବର୍ଜନୀୟ :
ପୂଜା ଘରେ କୌଣସି ଭଗବାନଙ୍କ ଖଣ୍ଡିତ ମୂର୍ତ୍ତି ରଖନ୍ତୁ ନାହିଁ। ଏହାସହ ଜଣେ ଭଗବାନଙ୍କ ଅନେକ ମୂର୍ତ୍ତି ମଧ୍ୟ ରଖିବା ଅନୁଚିତ।
ରୋଷେଇ ଘରେ………
ରୋଷେଇ ଘରେ କେବେ ବି ଠାକୁରଙ୍କ ଫଟୋ କିମ୍ବା ପୂଜା ସାମଗ୍ରୀର ବ୍ୟବହାର କରିବେ ନାହିଁ। ଏହା ଦ୍ୱାରା ଘରେ ଅଶାନ୍ତି ବଢିଥାଏ।
ଘରର ରୋଷେଇ ଘର ଏବଂ ଗାଧୁଆ ଘର ସମ୍ମୁଖୀନ ରହିବା ଘର ପାଇଁ ଖରାପ ହୋଇଥାଏ। ଏହା ଘରେ ନକରାତ୍ମକ ପ୍ରଭାବ ପକାଇଥାଏ। ଯାହା ଦ୍ୱାରା ଘର ପରିବାର ସଦସ୍ୟ ମାନଙ୍କ ମଧ୍ୟରେ ଝଗଡା ସୃଷ୍ଟି ହୋଇଥାଏ।
ଘରର ମୁଖ୍ୟ ଦ୍ୱାର ଏବଂ ରୋଷେଇ ଘର ସାମ୍ନାସାମ୍ନି ରହିବା ବାସ୍ତୁ ଅନୁସାରେ ଖରାପ ହୋଇଥାଏ।
ଘରର ବାସ୍ତୁ ଦୋଷ ଦୂର କରିବାପାଇଁ ଖାଇବା ଆଗରୁ ଭୋଜନ ପ୍ରଥମେ ଭଗବାନ ଏବଂ ଗାଈକୁ ଅର୍ପଣ କରିବାଦ୍ୱାରା ବାସ୍ତୁ ଦୋଷ ଦୂର ହୋଇଥାଏ।
