ଉତ୍କଳ ଦିବସରେ ସମାଜ ପକ୍ଷରୁ ରାଜ୍ୟସ୍ତରୀୟ ଆଲୋଚନା ଚକ୍ର; ଗାନ୍ଧୀବାଦ ଆପଣେଇବାକୁ ଯୁବପିଢ଼ିଙ୍କୁ ଆହ୍ବାନ
ଭୁବନେଶ୍ଵର: ଉତ୍କଳ ଦିବସ ଅବସରରେ ‘ ସମାଜ’ ପକ୍ଷରୁ ସୋମବାର ଭାରତୀୟ ବିଦ୍ୟା ଭବନଠାରେ ଏକ ରାଜ୍ୟସ୍ତରୀୟ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି। ଏଥିରେ ‘ଗାନ୍ଧୀବାଦ ଏବଂ ସାମ୍ପ୍ରତିକ ବିଶ୍ଵରେ ଏହାର ପ୍ରାସଙ୍ଗିକତା’ ବିଷୟବସ୍ତୁ ଉପରେ ଆଲୋଚନା ହୋଇଥିଲା। ଅତିଥିଭାବେ ବିଶିଷ୍ଟ ସ୍ବାଧୀନତା ସଂଗ୍ରାମୀ ପଦ୍ମଶ୍ରୀ ଭବାନୀ ଚରଣ ପଟ୍ଟନାୟକ, ପୂର୍ବତନ ରାଷ୍ଟ୍ରଦୂତ ଅବସର ବେଉରିଆ, ସମାଜସେବୀ ନମ୍ରତା ଚଢ଼ା, କଲୋନେଲ ବି.କେ. ମହାପାତ୍ର ପ୍ରମୁଖ ଯୋଗ ଦେଇ ଆଲୋଚନାରେ ଅଂଶଗ୍ରହଣ କରିଥିଲେ। ଆଜିର ଯୁବପିଢ଼ି ଗାନ୍ଧୀବାଦକୁ ଆପଣେଇ ଭବିଷ୍ୟତ ମାର୍ଗଦର୍ଶନ କରିପାରିଲେ ସଫଳତା ପାଇପାରିବେ ବୋଲି ଅତିଥିମାନେ ମତ ଦେଇଥିଲେ।
ସମାଜର ମୁଦ୍ରାକର ଓ ପ୍ରକାଶକ ନିରଞ୍ଜନ ରଥ କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲା ବେଳେ ସମାଜର ମୁଖ୍ୟ ସଂଯୋଜକ ସୁରେଶ ଚନ୍ଦ୍ର ମନ୍ତ୍ରୀ ସଂଯୋଜନା କରିଥିଲେ।
