ନ୍ୟୁୟର୍କ: ଆମେରିକା ପ୍ରଶାସନ ଜଣେ ଭାରତୀୟ ଛାତ୍ରଙ୍କ ହାତରେ ହାତକଡି ପକାଇବା ପୂର୍ବକ ଅପରାଧୀ ଭାବେ ସ୍ବଦେଶ ପଠାଇଛି। ନ୍ୟୁୟର୍କ ବିମାନବନ୍ଦରରେ ଭାରତୀୟ ଛାତ୍ର ଜଣଙ୍କୁ ଆମେରିକା ଦେଶାଟନ ଅଧିକାରୀ ତଳେ ପକାଇ ହାତରେ ହାତକଡି ପକାଇଥିଲେ। ଛାତ୍ର ଜଣଙ୍କୁ ଜଣେ ଅପରାଧୀ ଭଳି ବ୍ୟବହାର ପ୍ରଦର୍ଶନ କରାଯାଇଥିଲା। ଏହି ଘଟଣାକୁ ବିମାନବନ୍ଦରରେ ଉପସ୍ଥିତ ଜଣେ ପ୍ରବାସୀ ଭାରତୀୟ (ଏନ୍ଆରଆଇ) ଦେଖିବା ସହିତ ଏହାର ଫଟୋ ଭିଡିଓକୁ ସୋସିଆଲ ମିଡିଆରେ ପୋଷ୍ଟ କରିଛନ୍ତି। ତେବେ ଭାରତୀୟ ଛାତ୍ର ଜଣଙ୍କୁ ଉକ୍ତ ଏନଆରଆଇ କୌଣସି ପ୍ରକାର ସହାୟତା କରିପାରି ନଥିଲେ। ପ୍ରତ୍ୟେକ ଦିନ ୩-୪ଜଣ ଭାରତୀୟଙ୍କୁ ଏପରି ଢଙ୍ଗରେ ଆମେରିକା ପ୍ରଶାସନ ସ୍ବଦେଶ ପଠାଉଛି। ଆମେରିକା ପ୍ରଶାସନର ଏପରି ଅମାନବୀୟ କାର୍ଯ୍ୟ ରୋକିବା ଲାଗି କୁନାଲ ଜୈନ ନାମକ ସାମାଜିକ କର୍ମୀ ଆମେରିକାସ୍ଥିତ ଭାରତୀୟ ଦୂତାବାସ ଓ ବୈଦେଶିକ ମନ୍ତ୍ରୀ ଏସ୍ ଜୟଶଙ୍କରଙ୍କୁ ନିବେଦନ କରିଛନ୍ତି।
Popular Categories
Previous article
Next article