ସମାଜ ଡିଜିଟାଲ ଡେସ୍କ: ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ଆଲାସ୍କାରେ ବୈଠକ ଅନୁଷ୍ଠିତ ହୋଇଥିଲା। ବୈଠକ ପରେ ପୁଟିନ ନିଜର ସ୍ଵତନ୍ତ୍ର ବିମାନରେ ସ୍ଵଦେଶ ଫେରିଥିଲେ। ତେବେ ଏହି ସମୟରେ ତାଙ୍କୁ ସୁରକ୍ଷା ଦେଇଥିଲେ ଆମେରିକାର ଲଢ଼ୁଆ ବିମାନ ଏଫ-୨୨ ଏବଂ ଏଫ-୩୫। ପୁଟିନ ରୁଷରେ ପହଞ୍ଚିବା ପର୍ଯ୍ୟନ୍ତ ଆମେରିକୀୟ ଯୁଦ୍ଧ ବିମାନ ତାଙ୍କ ବିମାନକୁ ଏସକର୍ଟ ଦେଇଥିଲା। ଏହାର ଦୃଶ୍ୟକୁ ରେକର୍ଡ କରିଛି କ୍ରେମଲିନ। ପୁଟିନଙ୍କ ବିମାନ ଭିତରୁ ଭିଡିଓ ଉତ୍ତୋଳନ କରାଯାଇଥିଲା। ଭିଡିଓରେ ଦେଖିବାକୁ ମିଳିଛି ଯେ, ପୁଟିନଙ୍କ ବିମାନ ଯାଉଥିବାବେଳେ ତା’ ଚାରିପାଖେ ଏଫ-୨୨ ଏବଂ ଏଫ-୩୫ ଲଢ଼ୁଆ ବିମାନ ଘେରି ରହି ସୁରକ୍ଷା ଦେଉଛନ୍ତି।
୩ ଘଣ୍ଟା ଧରି ବୈଠକ ଚାଲିବା ପରେ ଉଭୟ ନେତା ଏଲମେନଡ୍ରଫ ରିଚାର୍ଡସନ ବିମାନଘାଟିରୁ ବିମାନରେ ପ୍ରତ୍ୟାବର୍ତ୍ତନ କରିଥିଲେ। ବୈଠକରେ ହୋଇଥିବା ଆଲୋଚନା ସକାରାତ୍ମକ ଥିଲା ବୋଲି ଉଭୟେ ପୁଟିନ ଏବଂ ଟ୍ରମ୍ପ ଗଣମାଧ୍ୟମକୁ କହିଛନ୍ତି। ଏହି ଆଲୋଚନା ଶାନ୍ତି ଫେରାଇ ଆଣିବାରେ ସହଯୋଗ କରିବ ବୋଲି ସେମାନେ କହିଛନ୍ତି।
Американские истребители F-22 сопроводили борт Путина по пути с Аляски в Россию:https://t.co/opGFrRqCL3
Видео: Kremlin. ru pic.twitter.com/uGLcwfVR6f
— ТАСС (@tass_agency) August 16, 2025
