କଂଗ୍ରେସ ପ୍ରାର୍ଥୀ ଭାବେ ନିର୍ବାଚନ ଲଢିବେ ଉର୍ମିଳା ମାତୋଣ୍ଡକର !
ମୁମ୍ବଇ : ବଲିଉଡ଼ ଅଭିନେତ୍ରୀ ଉର୍ମିଳା ମାତୋଣ୍ଡକରଙ୍କ ୨୦୧୯ ଲୋକସଭା ନିର୍ବାଚନ ଲଢିବାକୁ ନେଇ ଚର୍ଚ୍ଚା ଜୋର ଧରିଛି। ସେ କଂଗ୍ରେସ ପ୍ରାର୍ଥୀ ଭାବେ ମୁମ୍ବଇ ଉତ୍ତର ଲୋକସଭା ଆସନରୁ ନିର୍ବାଚନ ଲଢିବେ ବୋଲି କୁହାଯାଉଛି। ତେବେ ଏଯାବତ୍ ଏନେଇ ବିଧିବଦ୍ଧ ଭାବେ କୌଣସି ଘୋଷଣା କରାଯାଇ ନାହିଁ।
ମିଳିଥିବା ସୂଚନା ଅନୁସାରେ, ମୁମ୍ବଇର କଂଗ୍ରେସ ବରିଷ୍ଠ ନେତା ସଞ୍ଜୟ ନିରୂପମ୍ ରାଜ୍ୟ କଂଗ୍ରେସର ମୁଖପାତ୍ର ଓ ଉର୍ମିଳାଙ୍କ ପରିବାର ସଦ୍ୟସଙ୍କ ସହ ଯୋଗାଯୋଗ କରିଛନ୍ତି। ମାତ୍ର ଏନେଇ ଗଣମାଧ୍ୟମରେ କେହି ଟିପ୍ପଣୀ ଦେବାକୁ ମନା କରି ଦେଇଛନ୍ତି। କିନ୍ତୁ ରାଜନୈତିକ ସୂତ୍ରରୁ ଜଣାପଡ଼ିଛି ଯେ, ଏନେଇ ଆଲୋଚନା ଖୁବ୍ ଆଗକୁ ବଢିଛି ଓ ଖୁବଶୀଘ୍ର ଏ ବିଷୟରେ ଅନ୍ତିମ ନିଷ୍ପତ୍ତି ନିଆଯିବ।