ଜାରି ରହିଛି ‘ଉରୀ-ଦି ସର୍ଜିକାଲ୍ ଷ୍ଟ୍ରାଇକ୍’ ର ଯାଦୁ : ଟପିବ ୧୫୦କୋଟି
ମୁମ୍ବଇ : ଭିକି କୌଶଲଙ୍କ ଅଭିନୀତ ଚଳଚ୍ଚିତ୍ର ‘ଉରୀ-ଦି ସର୍ଜିକାଲ୍ ଷ୍ଟ୍ରାଇକ୍’ ବର୍ତ୍ତମାନ ସୁଦ୍ଧା ବକ୍ସ ଅଫିସରେ ନିଜ ଯାଦୁ ବିସ୍ତାର କରି ରଖିଛି। ଚଳଚ୍ଚିତ୍ରଟି ଗୋଟିଏ ପରେ ଗୋଟିଏ ରେକର୍ଡ଼ ଭାଙ୍ଗୁଥିବା ବେଳେ ୨୬ ଜାନୁଆରୀ ଅବସରରେ ଏହାକୁ ଆହୁରି ଲାଭ ମିଳିଛି। ଚଳଚ୍ଚିତ୍ର ମୁକ୍ତିଲାଭର ୧୭ଦିନରେ ଅର୍ଥାତ୍ ରବିବାର ସୁଦ୍ଧା ଏହା ୧୫୦କୋଟି ପାର କରିବ ବୋଲି ଟ୍ରେଡ଼୍ ଆନାଲିଷ୍ଟ ତରଣ ଆଦର୍ଶ କହିଛନ୍ତି।
ସୂଚନା ଅନୁସାରେ, ଶନିବାର ସୁଦ୍ଧା ଚଳଚ୍ଚିତ୍ର ମୋଟ୍ ୧୪୮.୧୮ କୋଟି ଟଙ୍କା ଆୟ କରିଛି। ତେବେ ନିକଟରେ ମୁକ୍ତିଲାଭ କରିଥିବା ‘ମଣିକର୍ଣ୍ଣିକା-ଦି କୁଇନ୍ ଅଫ୍ ଝାନ୍ସୀ ଓ ‘ଠାକରେ’ ଏହାକୁ ଟକ୍କର ଦେଉଥିଲେ ମଧ୍ୟ ଚଳଚ୍ଚିତ୍ରର ଆୟରେ କୌଣସି ନକରାତ୍ମକ ପ୍ରଭାବ ପରିଲକ୍ଷିତ ହୋଇନାହିଁ। ‘ଉରୀ-ଦି ସର୍ଜିକାଲ୍ ଷ୍ଟ୍ରାଇକ୍’ ୨୦୦ କୋଟି ମଧ୍ୟ ଛୁଇଁ ପାରେ ବୋଲି ତରଣ ଆଦର୍ଶ କହିଛନ୍ତି।