ସୁଲତାନପୁର : ଉତ୍ତର ପ୍ରଦେଶ ରାଜ୍ୟ ପରିବହନ ନିଗମର ଏକ ଶୀତତାପ ନିୟନ୍ତ୍ରିତ ବସ୍ରେ ଯାତ୍ରା କରୁଥିବାବେଳେ ଜଣେ ୪୫ ବର୍ଷୀୟ ଯାତ୍ରୀ ପାନ ଛେପ ପକାଇବାକୁ ଉଦ୍ୟମ କରୁଥିବାବେଳେ ତଳକୁ ଖସିପଡି ପ୍ରାଣ ହରାଇଛନ୍ତି। ସୁଲତାନପୁର ନିକଟସ୍ଥ ପୂର୍ବାଞ୍ଚଳ ଏକ୍ସପ୍ରେସୱେରେ ଶୁକ୍ରବାର ରାତିରେ ଏହି ଘଟଣା ଘଟିଛି। ଲକ୍ଷ୍ନୌରୁ ଆଜମଗଡ ଯାଉଥିବାବେଳେ ଯାତ୍ରୀ ଜଣକ ଚଳନ୍ତା ବସ୍ର ମୁଖ୍ୟ ପ୍ରବେଶ ଦ୍ବାର ଖୋଲି ପାନ ଛେପ ପକାଉଥିଲେ। ଅସାବଧାନତା ବଶତଃ ତଳକୁ ଖସିପଡି ସେ ପ୍ରାଣ ହରାଇଥିବା କୁହାଯାଇଛି। ମୃତକଙ୍କ ସହ ତାଙ୍କ ପତ୍ନୀ ମଧ୍ୟ ଉକ୍ତ ବସ୍ରେ ଆଜମଗଡ ଯାତ୍ରା କରୁଥିଲେ।
Comments are closed.