ନୂଆଦିଲ୍ଲୀ: ଆଜିକାଲି ପ୍ରତ୍ୟେକ ପ୍ରସଙ୍ଗରେ କଂଗ୍ରେସର ପୂର୍ବତନ ସଭାପତି ରାହୁଳ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଦାୟୀ କରୁଛନ୍ତି । ଚଳିତ ଆର୍ଥିକ ବର୍ଷର ଦ୍ବିତୀୟ ତ୍ରୟମାସିକରେ ଦେଶର ଜିଡ଼ିପି ୭.୫% ହ୍ରାସକୁ ନେଇ ଶୁକ୍ରବାର ରାହୁଳ ପ୍ରଧାନମନ୍ତ୍ରୀ ମୋଦୀଙ୍କୁ ଦାୟୀ କରିଛନ୍ତି । ଦେଶର ଆର୍ଥିକ ଦୁର୍ଗତି ଲାଗି ପ୍ରଧାନମନ୍ତ୍ରୀ ଦାୟୀ ବୋଲି କହିଛନ୍ତି ।
Under PM Modi, India’s economy is officially in a recession for the first time ever.
More importantly, 3 crore people are still looking for work under MNREGA.
Economy cannot be ordered to grow by diktats. PM needs to first understand this basic idea.
— Rahul Gandhi (@RahulGandhi) November 27, 2020
ଟ୍ବିଟ୍ କରି ରାହୁଳ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଭାରତର ଅର୍ଥନୀତି ପ୍ରଥମ ଥର ପାଇଁ ଦୁର୍ଗତି ଭୋଗିଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ତିନି କୋଟି ଲୋକ ଏବେ ମଧ୍ୟ ମନରେଗାରେ କାମ ପାଇଁ ଅପେକ୍ଷା କରି ବସିଛନ୍ତି । କେବଳ ଆଦେଶ ଜାରି କରି ଅର୍ଥନୀତି ପ୍ରଗତି ପଥରେ ନିଆଯାଇପାରିବ ନାହିଁ। ପ୍ରଧାନମନ୍ତ୍ରୀ ଏହି ମୌଳିକ କଥା ବୁଝିବା ଆବଶ୍ୟକ।
ପ୍ରକାଶିତ ତଥ୍ୟ ଅନୁଯାୟୀ ଉତ୍ପାଦନ କ୍ଷେତ୍ର ଜିଡିପିରେ ୭.୫ ପ୍ରତିଶତ ହ୍ରାସ ଘଟିଛି। ଅର୍ଥନୀତିଜ୍ଞମାନେ କରୋନା ଏହାଠାରୁ ବଡ଼ କ୍ଷତି କରିବ ବୋଲି ଆଶା କରୁଥିଲେ ହେଁ ତାହା ୭.୫%ରେ ଅଟକିଛି ।
