ହଳଦୀ ଖାଦ୍ୟର ରଙ୍ଗ ଏବଂ ସ୍ବାଦକୁ ଦ୍ବିଗୁଣ କରେ। ଏହାର ଉପଯୋଗରେ ସୌନ୍ଦର୍ଯ୍ୟ ବୃଦ୍ଧି ହେବା ସହ ତ୍ବଚାର ଅନେକ ସମସ୍ୟା ମଧ୍ୟ ଦୂର ହୋଇଥାଏ । ଏହା ଛଡା ହଳଦୀ ଶରୀରକୁ ସୁସ୍ଥ ରଖିବାରେ ମଧ୍ୟ ସାହାଯ୍ୟ କରେ। ତେବେ ଆସନ୍ତୁ ଜାଣିବା ହଳଦୀକୁ ବ୍ୟବହାର କରି ନିରୋଗ ରହିବାର କିଛି ନିଆରା ଉପାୟ……
୧. ଗବେଷଣାରୁ ଜଣାପଡିଛି ଯେ, ପ୍ରତିଦିନ ହଳଦୀ ଖାଇବା ଦ୍ବାରା ପାଚନ ପ୍ରକ୍ରିୟା ଠିକ୍ ରୁହେ। ଖାଦ୍ୟ ସହଜରେ ହଜମ ହୋଇଥାଏ।
୨. ନିୟମିତ ହଳଦୀ ଖାଇଲେ ଶରୀରରେ ସର୍କରା ସ୍ତର କମ୍ ରୁହେ ଏବଂ ଟାଇପ୍ ୨ ମଧୁମେହ ରୋଗର ଆଶଙ୍କା ଦୂର ହୁଏ ।
୩. କର୍କଟ ରୋଗରୁ ରକ୍ଷା କରେ ହଳଦୀ। ହଳଦୀରେ ଥିବା ଆଣ୍ଟିଅକ୍ସିଡେଣ୍ଟ ଗୁଣ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ସହ କର୍କଟ ରୋଗ ସୃଷ୍ଟି କରୁଥିବା କୋଷିକା ଲଢିଥାଏ।
୪. ହଳଦୀ ପାଣି ପିଇବା ଦ୍ବାରା ରକ୍ତ ଜମାଟ ବାନ୍ଧି ନଥାଏ । ଏହା ସହ ରକ୍ତ ସଫା ରଖିଥାଏ।
୫. ସକାଳୁ ଗରମ ପାଣିରେ ହଳଦୀ ମିଶାଇ ପିଇଲେ, ଏହା ମସ୍ତିଷ୍କ ପାଇଁ ଉତ୍ତମ ଅଟେ।
୬. ହଳଦୀରେ ଥିବା କରକ୍ୟୁମିନ୍ ଗୁଣ ଯୋଗୁଁ ଆଣ୍ଠୁଗଣ୍ଠି ଜନିତ ରୋଗ ଦୂର କରେ ।
୭. ନିୟମିତ ହଳଦୀ ପାଣି ପଇବା ଦ୍ବାରା ଚେହେରାରେ ବୟସର ଛାପ ପଡି ନଥାଏ।
୮. ଗରମ ପାଣିରେ ଲେମ୍ବୁ, ହଳଦୀ ଗୁଣ୍ଡ ଓ ମହୁ ମିଶାଇ ପିଇବା ଦ୍ବାରା ଶରୀରରେ ଥିବା ବିଷାକ୍ତ ପଦର୍ଥ ନିର୍ଗତ ହୋଇଥାଏ।
