ହରଭଙ୍ଗା : ନିଶା ଥିଲା ପାଠପଢା ପରେ ଖଣ୍ଡିଏ ଚାକିରୀ କରିବି । ଚାକିରୀ ନ ମିଳିବାରୁ ୧୯୯୧ରୁ ଟିଉସନ କରି ଅଞ୍ଚଳର ପିଲାଙ୍କୁ ଶିକ୍ଷିତ କରାଇବା ପେଶାକୁ ସେ ଆଦରି ନେଇଥିଲେ ।ଦୀର୍ଘ ୩୦ବର୍ଷରୁ ଅଧିକ ସମୟ ଟିଉସନ କରି ଯୁକ୍ତ ଦୁଇ, ଯୁକ୍ତ ତିନି ଏବଂ ମାଟ୍ରିକ ପିଲାଙ୍କୁ ଶିକ୍ଷାଦାନ ତାଙ୍କର ଏପର୍ଯ୍ୟନ୍ତ ଜାର ରିହିଛି । ଅନେକ ସମୟରେ ସମାଜସେବା କରି ଗରିବ ନିଷ୍ପେସିତ ଲୋକଙ୍କୁ ସାହାଯ୍ୟ କରିବା ଦୁର୍ବଳତା ମଧ୍ୟ ତାଙ୍କର ରହିଛି। ଶେଷରେ ସମାଜସେବା କରିବା ଉଦେଶ୍ୟରେ ଇଂରାଜୀ ସମ୍ମାନରେ ସ୍ନତକତୋର କରିଥିବା ଜଣେ ଉଚ୍ଚ ଶିକ୍ଷିତ ଟିଉସନ ସାର ରାଜନୀତିକୁ ଓହ୍ଲେଇବା ଘଟଣା ବ୍ଲକରେ ଚର୍ଚ୍ଚାର ବିଷୟ ପାଲଟିଛି ।
ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ କଂରଜକଟା ଗ୍ରାମର ନିହାର କୁମାର ଘୋଷଙ୍କ ଭଳି ଜଣେ ଟିଉସନ ସାର ଏଥର ପଞ୍ଚାୟତ ନିର୍ବାଚନରେ ଏହି ପଞ୍ଚାୟତରୁ ସରପଞ୍ଚ ଭାବେ ପ୍ରାର୍ଥୀ ହୋଇଛନ୍ତି। କଂରଜକଟା ପଞ୍ଚାୟତରୁ ଏଭଳି ଜଣେ ଉଚ୍ଚଶିକ୍ଷିତ ସରପଞ୍ଚ ପ୍ରାର୍ଥୀ ହୋଇଥିବାରୁ ତାଙ୍କଠାରୁ ପଞ୍ଚାୟତବାସୀ ବହୁତ କିଛି ଆଶା କରୁଛନ୍ତି। ଗରିବ ଲୋକଙ୍କ ପାଖରେ ସରକାରୀ ଯୋଜନା କିପରି ପହଞ୍ଚି ପାରିବ ସେ ଉଦେଶ୍ୟରେ ସରପଞ୍ଚ ହେବା ପାଇଁ ନିର୍ବାଚନ ଲଢୁଥିବା ନିହାର କହିଛନ୍ତି । କଂରଜକଟା ପଞ୍ଚାୟତର ଏଭଳି ଜଣେ ଉଚ୍ଚ ଶିକ୍ଷିତ ସରପଞ୍ଚ ପ୍ରାର୍ଥୀକୁ ଭୋଟର କିଭଳି ଗ୍ରହଣ କରୁଛନ୍ତି ତାକୁ ନେଇ ରାଜନୈତିକ ଅଙ୍କକଷା ଜୋର ଧରିଛି ।
Comments are closed.