ସମାଜ ଡିଜିଟାଲ ଡେସ୍କ: ଭାରତରେ ନିଜ ପାଇଁ ଘରଟିଏ ତିଆରି କରିବା ହେଉ କି କିଣିବା ଭାରି କଷ୍ଟକର। ଭଲ ରୋଜଗାର ଥାଇ ବି ଅନେକେ ଘର କିଣିପାରି ନ ଥାନ୍ତି। କିନ୍ତୁ ଜଣେ ଟ୍ରକ ଡ୍ରାଇଭର କିଣିଛନ୍ତି ୨ କୋଟି ମୂଲ୍ୟର ୫ ବିଏଚକେ ଘର। ତେବେ ସେ ଭାରତରେ ଏହି ଘର କିଣିନାହାନ୍ତି। ଆମେରିକାରେ କିଣିଛନ୍ତି ବିଳାସପୂର୍ଣ୍ଣ ଘର। ମାତ୍ର ଡ୍ରାଇଭର ଜଣକ ହେଉଛନ୍ତି ଭାରତୀୟ।
ଏହି ଖବର ସାମାଜିକ ଗଣମାଧ୍ୟମରେ ଭାଇରାଲ ହେବା ପରେ ବ୍ୟବହାରକାରୀଙ୍କ ମଧ୍ୟରେ ଯୁକ୍ତିତର୍କ ଆରମ୍ଭ ହୋଇଛି। ଅନେକ ବ୍ୟବହାରକାରୀ ଡ୍ରାଇଭରଙ୍କ ଘର ଦେଖି ପ୍ରଶଂସା କରିଥିବାବେଳେ ଆଉ କିଛି ଭାରତରେ ଲୋକଙ୍କ ଜୀବନଶୈଳୀ ଉପରେ ପ୍ରଶ୍ନ ଉଠାଇଛନ୍ତି।
A Truck driver in USA has a Jeep Compass in his garage while in India some IIT/IIM graduate (with the help of his generation wealth) and working 9 to 9 will be hardly able to afford a decent 3 bhk in Noida in 2024.
Biggest lie ever told was “life is easy in India” pic.twitter.com/j0hTWDi3Dc— AvgIndiaobserver (@himalyanshaqiri) June 26, 2024
ଭାଇରାଲ ହେଉଥିବା ଭିଡିଓରେ ଜଣେ ବ୍ୟକ୍ତି ଏକ ସୁନ୍ଦର ଘର ଦେଖାଉଛନ୍ତି। ସେ କହୁଛନ୍ତି ଯେ, ଦୀପାବଳି ସମୟରେ ସେ ଏହି ଘର କିଣିଛନ୍ତି। ଘର ଗ୍ୟାରେଜରେ ଦାମୀ ବାଇକ ଏବଂ ୪ ଚକିଆ ଗାଡ଼ି ଥିବା ଦେଖାଯାଉଛି। ୩ ହଜାର ବର୍ଗଫୁଟରେ ଏହି ଘର ତିଆରି ହୋଇଛି।
ସାମାଜିକ ଗଣମାଧ୍ୟମ ଏକ୍ସ’ରେ ଜଣେ ବ୍ୟବହାରକାରୀ ଲେଖିଛନ୍ତି, ଆମେରିକାରେ ଜଣେ ଟ୍ରକ ଡ୍ରାଇଭରଙ୍କ ଗ୍ୟାରେଜରେ ଜିପ କମ୍ପାସ ଅଛି। ହେଲେ ଭାରତରେ ଆଇଆଇଟି/ଆଇଆଇଏମ ପଢ଼ି ଚାକିରି କରିବା ସତ୍ବେ ବୋଧହୁଏ ନୋଏଡାରେ ୩ ବିଏଚକେ ଘର କିଣିବା କଷ୍ଟକର ହୋଇପଡ଼ୁଛି।
