ସମ୍ଭାବ୍ୟ ବାତ୍ୟା ପାଇଁ ୫୪ ରେଳ ବାତିଲ
![](https://samajalive.in/wp-content/uploads/2023/08/train-750x430.webp)
ଡେସ୍କ: ଓଡିଶା ପାଇଁ ବାତ୍ୟା ମିଚାଉଙ୍ଗର କୌଣସି ପ୍ରଭାବ ନ ଥିବା ବେଳେ ଏହାର ପ୍ରଭାବକୁ ଦୃଷ୍ଟିରେ ରଖି ଭୁବନେଶ୍ବରରୁ ବାହାରୁଥିବା ୧୨ଟି ଓ ପୂର୍ବତଟ ଦେଇ ଯାଉଥିବା ୪୨ଟି ଟ୍ରେନ୍ ବାତିଲ କରାଯାଇଛି। ପୂର୍ବତଟ ରେଳପଥରୁ ଚେନ୍ନଇ ଏବଂ ଆନ୍ଧ୍ର ପ୍ରଦେଶ ଯାଉଥିବା ରେଳ ସହ ଚେନ୍ନଇରୁ ଓଡ଼ିଶା ଆସୁଥିବା ରେଳଗୁଡିକୁ ବାତିଲ କରାଯାଇଛି। ପୂର୍ବତଟ ରେଳପଥରୁ ୬ ଯୋଡା ରେଳ ବାତିଲ ହୋଇଥିବା ବେଳେ ପୁରୀ-ଚେନ୍ନଇ ଏକ୍ସପ୍ରେସ୍, ଭୁବନେଶ୍ବର ତିରୁପତି ଏବଂ ଭୁବନେଶ୍ବର ବେଙ୍ଗାଲୁରୁ ଏକ୍ସପ୍ରେସ୍ ସହିତ ବିଶାଖାପାଟଣା ଦେଇ ଚଳାଚଳ କରୁଥିବା ୩ଟି ରେଳ ବାତିଲ ହୋଇଛି। ସମ୍ଭାବ୍ୟ ବାତ୍ୟା ପ୍ରଭାବ ଯେଉଁ ଅଞ୍ଚଳରେ ଅଧିକ ପଡିବାର ସମ୍ଭାବନା ରହିଛି ସେହି ଅଞ୍ଚଳ ଦେଇ ଚଳାଚଳ କରୁଥିବା ୨୧ ଯୋଡା ରେଳକୁ ବାତିଲ କରାଯାଇଛି।
Comments are closed.