ନୂଆଦିଲ୍ଲୀ : ଆଜିକାଲି ଯୁବପିଢିଙ୍କୁ ସାମାଜିକ ଗଣମାଧ୍ୟମରେ ପ୍ରସିଦ୍ଧି ଲାଭ କରିବାର ନିଶା ଏତେ ଘାରିଛି ଯେ ସେମାନେ ଅନେକ ବିପଜ୍ଜନକ କାମ କରିବାକୁ ପଛାଉ ନାହାଁନ୍ତି । ଏମିତି ଅନେକ ଘଟଣା ସାମ୍ନାକୁ ଆସିଛି ଯେଉଁଥିରେ ଏଭଳି ଦୁଃସାହସିକ କାମ କରି ଅନେକ ପ୍ରାଣ ହରାଇଛନ୍ତି । ନିକଟରେ ଏମିତି ଏକ ଘଟଣାର ଦୃଶ୍ୟ ଏବେ ସାମାଜିକ ଗଣମାଧ୍ୟମରେ ଘୁରି ବୁଲୁଛି ଯେଉଁଥିରେ ଜଣେ ଯୁବକ ଖାମଖିଆଲି ଢଙ୍ଗରେ ଚଳନ୍ତା ଟ୍ରେନ୍ ଉପରେ ଷ୍ଟଣ୍ଟ ମାରୁଛନ୍ତି ।
View this post on Instagram
ଭାଇରାଲ ଭିଡିଓରେ ନଜର ଆସୁଛି କି ଜଣେ ଯୁବକ ଚଳନ୍ତା ଟ୍ରେନ୍ ଉପରେ ଠିଆ ହୋଇଛନ୍ତି । ଟ୍ରେନଟି ଏକ ପୋଲ ଉପରେ ଯାତ୍ରା କରୁଛି । ଯେତେବେଳେ ବ୍ୟାରିୟର ଆସୁଛି ସେ ବସିପଡୁଛନ୍ତି । ଏବଂ ପୁଣି ଠିଆ ହୋଇପଡୁଛନ୍ତି । ପୁଣି ଯେତେବେଳେ ଆଉ ଏକ ବ୍ୟାରିୟର ଆସୁଛି ସେ ପୁଣି ସେମିତି କରୁଛନ୍ତି । ଯଦି ସେ ସାମାନ୍ୟ ବେହୁସିଆର ହେବେ ତେବେ ତାଙ୍କ ଜୀବନ ଚାଲିଯାଇପାରେ । କିନ୍ତୁ ସେ ସେଥିପ୍ରତି ତିଳେ ମାତ୍ର ଚିନ୍ତା କରୁନାହାଁନ୍ତି ।
ଭିଡିଓଟି ଭାଇରାଲ ହେବାରେ ଲାଗିଛି । ତେବେ ଏହି ଘଟଣାଟି ବାଂଲାଦେଶର । ଏହାକୁ ପ୍ରାୟ ୨ ଲକ୍ଷ ଲୋକ ଦେଖିସାରିଲେଣି । ସମସ୍ତେ ପ୍ରତିକ୍ରିୟା ରଖି ଯୁବକଙ୍କ ଏଭଳି କାର୍ଯ୍ୟକଳାପରେ କ୍ଷୁବ୍ଧ ହେଉଛନ୍ତି ।
